E-gamelanKu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
gambar E-GamelanKu

E-GamelanKu ya iku salah sawijiné asil saka panaliten hibah strategi nasional kang didanai déning DIKTI taun 2009 lan 2010.[1] Dikembangake déning Tim panaliti LPPM Universitas Dian Nuswantoro (UDINUS).[1] obyek gamelan lan rekaman suara dijupuk saka Gamelan Kyai Sri Kuncoro Mulya Lokananta Surakarta.[1] Produk iki tau pikantuk Hibah Seni lan dipentasake ing CYCU Taiwan Juni 2012 lan sasi Juli 2010 ing Singapura.[1]

E-GamelanKu wujudé software under windows kang digawé déning mahasiswa Udinus kang wis didaptarake ing Pekan Kreatifitas Mahasiswa (PKM).[1] E-Gamelan iki ana loro jinisé, ya iku gamelan kyai tlogo muncar saka Jogja lan gamelan sri kuncoro mulyo saka Sala kang wis bisa kanggo nada pelog lan slendro.[1]

Pisanane E-gamelanKu taksih wujud software under windows kanggo PC, lan taksih migunakaké mouse kanggo maenake E-GamelanKu iki.[2] Nanging saiki, E-Gamelan wis bisa digunakaké ing ipad.[2] Aplikasi iki bisa di download ing apple store, mawa jeneng gamelan kyai tlogo muncar.[2]

Aplikasi iki wis kelebu jangkep yèn dibandingke karo e-gamelanKu liyané.[3] Biasane dimaenake déning wong sanga.[3] Kanggo kendang isih migunakaké kendang kang asli.[3]

Miturut ketua komunitas angkatan 2011, Ekaprana Wijaya, e-gamelanKu digawé ora supaya bisa nggenteni gamelan asli.[4] Nanging digawéne e-gamelanKu duwé ancas supaya bisa dadi médhia pembelajaran.[4] Anggotane komunitas iki wis akèh ya iku bocah nom saka SMA lan Perguruan Tinggi kang racaké gladhen saben dina Rebo ong gedhong B lante 1 UDINUS.[4]

E-GamelanKu wis tahu ditanggap ing nagara manca kaya déné Malaysia, Thailand, Taiwan lan Singapura.[5] Liyane iku uga tau digiyaraké déning Metro TV.[5] Saben ana acara kampus, komunitas e-gamelanKu manuhaké e-gamelanKu marang masarakat.[5] Utamane ing bocah-bocah nom, supaya dhèwèké ngerti gamelan lan bisa mèlu ngrembakake gamelan kang asli suaya ora ilang.[5]

Cathetan suku[besut | besut sumber]

  1. a b c d e f E-GamelanKu (dipunundhuh tanggal 7 februari 2013)
  2. a b c aplikasi E-GamelanKu di ipad (dipunundhuh tanggal 7 februari 2013)
  3. a b c main gamelan lewat komputer (dipunundhuh tanggal 7 februari 2013)
  4. a b c Virtualisasikan gamelan (dipunundhuh tanggal 7 februari 2013)
  5. a b c d E-GamelanKu lestarikan budaya (dipunundhuh tanggal 7 februari 2013)