Dmitri Mendeleev

Saka Wikipédia Jawa, bauwarna bébas abasa Jawa
Dmitri Mendeleev
Dmitri Mendeleev taun 1897
Dmitri Mendeleev taun 1897
Miyos (1834-02-08)8 Fèbruari 1834
Verhnie Aremzyani, Kamaharajaan Ruslan
Tilar donya 2 Fèbruari 1907(1907-02-02) (umur 72)
St. Petersburg, Kamaharajaan Ruslan
Kabangsan Ruslan
Bidhang Kimia, fisika lan babagan-babagan ingkang magepokan
Lulusan saking Saint Petersburg University
Notable students Dmitri Konovalov, Valery Gemilian, Alexander Baykov
Kaahlian Manggihaken tabèl periodik unsur kimia
Agama Kristen Ortodoks Wétan

Dmitri Mendeleev (basa Ruslan: Дми́трий Ива́нович Менделе́ев, Dmitriy Ivanovich Mendeleyev) (8 Fèbruari [K.J.: 27 Januari] 1834 – 2 Fèbruari [K.J.: 20 Januari] 1907) punika satunggiling ahli kimia saking Kamaharajaan Ruslan ingkang ngripta tabèl periodik adhedhasar paningkatan wilangan atom. Wilangan puniki nedahaken gunggung proton ingkang wonten salebetipun inti atom. Gunggung proton sami kaliyan gunggung èlèktron ingkang ngelilingi atom bébas.

Panjenenganipun manggihaken nalika nyawisaken satunggiling buku pelajaran kanggé mahasiswanipun. Panjenenganipun manggihaken menawi panjenenganipun nata unsur-unsur miturut minggahing massa atom, unsur kanthi sifat ingkang mèmper badhé muncul kanthi selang ingkang mawi skala. Panjenenganipun kasil nyajèkaken asil kerjanipun dhumateng Himpunan Kimia Ruslan ing awal 1869.

Punika maringaken kauntungan kanggé piyambakipun amargi ing pungkasan taun ingkang sami, satunggiling kimiawan sanès saking Jerman, Julius Lothar Meyer, ugi kasil nyusun tabèl ingkang sami, nanging amargi kasil langkung rumiyin, Mendeleev ingkang dipunanggep minangka pamanggih dhaptar berkala.

Salebetipun panlitènipun, panjenenganipun damel sapérangan urutan ngenani unsur-unsur dat kimia ingkang sampun dipunmangertosi kanthi nyusun saprangkat kertu, ing pundi sabèn kertu isi saben unsur lan sifat-sifat kimianipun. Panjenenganipun manggihaken ukum periodik nalika nyusun kertu-kertu puniku, ingkang dipunsusun sacara urutan miturut paningkatan massa atomipun, lan sifat-sifatipun dipunbalèni sacara periodik. Malah wonten sekedhik kaluwihan ing tabèl periodik ingkang dipunsusun, inggih punika wontenipun pangakenan ngenani unsur-unsur énggal ingkang dèreng dipunmangertosi massanipun, panjenenganipun manggihaken tabèl periodik kasebut kados ta galium, germanium, lan skandium. Panjenenganipun nyawisaken ruang kanggé unsur-unsur puniku lan malah sampun mrakirakaken pinten massa atom lan kepripun sifat-sifat kimianipun samangké.

Pranala njawi[besut | besut sumber]

Biografi[besut | besut sumber]

Tabèl periodik[besut | besut sumber]

Sanèsipun[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Dmitri_Mendeleev&oldid=1106197"