Wilangan (matématika)

Saka Wikipédia Jawa, bauwarna bébas abasa Jawa
Disambig.svg
Artikel iki mbahas 'wilangan' minangka sawijining konsèp sajeroning matématika. Pangertèn-pangertèn liya saka 'wilangan' bisa dipirsani ing Wilangan (disambiguasi).

Wilangan (basa Jawa Krama: wicalan, basa Indonésia: bilangan), iku konsèp matématika sing dipigunakaké kanggo pancacahan lan pangukuran. Simbol utawa lambang sing dipigunakaké kanggo makili sawijining wilangan diarani angka utawa lambang wilangan. Sajeroning matématika, konsèp wilangan suwéné mataun-taun suwéné wis diwiyaraké kanggo ngliputi wilangan nol, wilangan negatif, wilangan rasional, wilangan irasional, lan wilangan komplèks.

Prosedhur-prosedhur tinentu sing njupuk wilangan minangka lebonan lan ngasilaké wilangan liyané minangka wetonan, diarani operasi numeris. Operasi uner njupuk sawijining lebonan wilangan lan ngasilaké sawijining wetonan wilangan. Operasi sing luwih umum tinemu ya iku operasi biner, sing njupuk rong wilangan minangka lebonan lan ngasilaké sawijining wilangan minangka wetonan. Conto operasi biner ya iku tambah, suda, ping, para, lan pangkat. Babagan matématika sing njabaraké operasi numeris diarani aritmetika.

Pirsani uga[besut | besut sumber]