Dhaptar kode pos ing Perancis
Kode pos wiwit dipuntepangaken ing Prancis wonten ing taun 1964, nalika La Poste mingunakaken penyortiran otomatis. Kode pos (Basa Perancis: code postal) nyakup gangsal digit, 2 digit kapisanan minangka nomer département ing Perancis Metropolitan ing pundi kantor pos ingkang tanggelg jawab saking pangiriman nuju kutha ingkang pinuju. Sistem punika ugi dipun-ginakaken wonten ing Éropah, ing Departemen Sebrang Laut lan Teritori, nanging tiga digit kapisanan minangka tandha département utawi teritori mau. Digit 00 dipun-ginakaken kanggé alamat Militer. Digit 20 dipun-ginakaken ing sadaya Corsica; Corsica katetepaken minangka satunggal département kanthi nomer 20, anangin dinten punika kapérang dados kalih département kanthi nomer 2A lan 2B.
Tigang digit candhakipun minangka tandha kantor pos lokal ingkang tangge jawab saking pangiriman surat. Sawijining kodhe pos régulér pesthi kapungkasan 0, kanthi pangecualian ing Paris, Lyon lan Marseille lan Département Sebrang Laut lan Teritori. Kode pos ingkang boten dipunpungkasaken 0 ateges sawijining kodhe mirunggan, dipunkenal minangka CEDEX, utawi kodhe pos énggal.
Wonten ing Paris, 2 digit pungkasan kodhe pos dados tandha arrondissement. Sasampuning taun 1972, sawijining alamat ing arrondissement angka 8 Paris, saged dipunserat minangka:
8 rue Chambiges Paris 8e
Nomor punika kalebetaken ing kodhe pos minangka:
8 rue Chambiges 75008 Paris
Sawijining pangecualian tumrap aturan punika inggih arrondissement XVIe, ingkang gadhah 2 kodhe pos, 75016 (kidul) lan 75116 (lèr).
Wonten ing njawi Paris, kutha Lyon lan Marseille ugi kapérang dados arrondissement, ing pundi minangka péranganing kodhe pos:
11 rue Duhamel 69002 Lyon
2 avenue du Maréchal Foch 13004 Marseille
Wonten ing saben département, préfecture (kutha utama) gadhah kodhe pos kanthi angka pungkasan 000, ctuladhanipun Bourges ing Cher:
15 avenue du Général Leclerc 18000 Bourges
Samsaya wigati sawijining kutha, samsaya simpel kodhe posipun. Sous-préfectures dipuntandhani kanthi kodhe pos XXX00. Punika minangka tuladha kodhe pos désa alit, Lépaud ing Creuse:
16 grande rue 23170 Lépaud
Lan kodhe pos Mortagne-au-Perche, sous-préfecture saking Département de l'Orne:
4 rue des Quinze Fusillés 61400 Mortagne-au-Perche
Boten jarang manawi désa ingkang sisihan gadhah kodhe pos ingkang sami, ing pundi kagayutaken kaliyan kantor pos ageng, tuladha: 64150 saged katujokaken dhateng Abidos, Bésingrand, Lagor, Lahourcade, Mourenx, Noguère, Os Marsillon, Pardies, Sauvelade lan Vielleségure.
Département Sebrang Laut lan Teritori migunakaken kodhe 3 digit ingkang dipunwiwiti kanthi: 971 (Guadeloupe), 972 (Martinique), 973 (Guyana Perancis), 974 (Réunion), 975 (Saint-Pierre dan Miquelon), 976 (Mayotte), 984 (Teritori Selatan Perancis), 986 (Wallis lan Futuna), 987 (Polinesia Perancis), 988 (Kaledonia Baru).[1] Kanthi punika, nol ingkang pungkasan dipunbisak dados format 5 digit. Punika minangka kodhe pos reguler ingkang boten dipunpungkasi kanthi 0 kejawi préfecture utawi sous-préfecture, tuladhanipun:
Maison du Port 97100 Basse-Terre
4 boulevard du Général de Gaulle 97320 Saint-Laurent du Maroni
193 RN2 97439 Sainte-Rose
CEDEX
[besut | besut sumber]Ugi wonten sawijining sistem ingkang dipunkenal minangka CEDEX, Courrier d'Enterprise à Distribution Exceptionelle, karantam kanggé panampi surat kanthi cacah ingkang kathah. Sawijining kodhe pos dipunalokasikaken dhateng saben organisasi ageng utawi ingkang gadhah kotak kantor pos, dipunpungkasi kanthi tigang digit unik, tuladhanipun:
2 place Jussieu 75251 Paris Cedex 05
Angka '05' katujokaken dhateng arrondissement Ve. Pangiriman kados makaten saged dipunalamataken dhateng:
2 place Jussieu 75005 Paris
Ugi saged dipuntampi kanthi nglebetaken sawijining angka boîte postale (kotak kantor pos) lan alamat jalan ing pratélan alamat CEDEX.[2]
Monako
[besut | besut sumber]Sistem kodepos Perancis ugi dipun-ginakaken ing Monako nalika daerah punika minangka département Perancis kanthi nomer 98. Kode posipun, nalika ngirim sawijining surat saking njawi nagari, diounserat kanthi 'MC', sans 'F' kanggé Perancis:
12 avenue de la Costa MC-98000 Monaco MONACO
23 Avenue Prince Héréditaire Albert MC-98025 Monaco Cedex MONACO
Cathetan suku
[besut | besut sumber]- ↑ http://www.france-codepostal.fr/en/ Carilah sebuah kodepos Perancis
- ↑ http://kodepos.nomor.net/_a.php?_a=hosting&info1=9