Dewi Fortuna Anwar

Dewi Fortuna Anwar

Dewi Fortuna Anwar ingkang miyos wonten ing taun 1958 inggih punika direktur ing Habibie Research Center. Piyambakipun ugi dados panaliti ing LIPI, Jakarta. Dewi Fortuna anwar ngrampungaken sekolahipun ing School of and African Studies (SOAS), the University of London lan pikantuk gelar PhD saking Monash University, Melbourne, Australia.

Kulawarganipun

Dewi Fortuna Anwar miyos saking psangan Khaidir Anwa lan Wahidar ingkang asalipun saking Minangkabau. Bapakipun asalipun saking Lintau Buo, Tanah Datar, déné ibunipun asalipun saking VII Koto Talago, Lima Puluh Kota. Kekalih tiyang sepuhipun makarya dados akadhemisi lan ilmuwan. Bapakipun inggih salah satunggaling ahli sosiolinguistik lan naté mucal dados dhosèn dangunipun 20 taun ing Universitas London. Lan rayinipun, inggih punika Desi Anwar inggih salah satunggaling presenter pawartos ingkang kondhang.

Padamelanipun

Prof. Dr. Dewi Fortuna Anwar, MA inggih punika minangka Deputi Babagan Ilmu Pengetahuan Sosial dan Kemanusiaan (IPSK) LIPI. Piyambakipun ugi naté njabat dados Direktur Kegiatan dan Penelitian wonten ing Habibie Center, Profesor Riset, lan dados anggota Dewan Penaséhat CIDES (Center for Information and Development Studies). Dr Anwar naté njabat dados Asisten Wakil Présidhèn Babagan Hubungan International (saking Mèi - Juli 1998) lan Asisten Mantri/Sekretaris Nagara Babagan Hubungan Luar Negeri (Agustus 1998 – November 1999), ing sadangunipun pamarentahanipun Habibie. Dr Anwar naté dados panaliti tamu wonten ing the Institute of Southeast Asian Studies ing Singapura (1989) lan dados anggota Konggrès wonten ing the US Congress ing Washington D.C. (1990 - 1991). Kajawi punika, Prof. Dr. Dewi Fortuna Anwar inggih ugi dados anggota Dewan Penaséhat PBB babagan Perlucutan Senjata, anggota the International Council, the Asia Society, New York, anggota of the Weapons of Mass Destruction Commission (WMDC), Stockholm, anggota the International Advisory Board of the Asia-Pacific College of Diplomacy, ANU, Australia lan anggota the International Institute for Strategic Studies IISS (London). Dr Anwar naté ugi dados Profesor tamu C.V. Starr wonten ing Southeast Asian Studies ing the SAIS (Johns Hopkins University) , Washington DC (January - May 2007). Dr Anwar pikantuk gelar Dhoktor saking Monash University, Melbourne, Australia, BA (Hons) lan MA saking SOAS, University of London.