David Suchet

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
David Suchet ing taun 2006

David Suchet, CBE (/ˈsuːʃeɪ/ lair tanggal 2 Mèi 1946) iku sawijining aktor Inggris, sing dadi ditepungi wong amerga main sandiwara lan ing télévisi. Dhèwèké kawentar ing donya internasional olèhé maragakaké detèktif anggitané Agatha Christie Hercule Poirot[1] ing sérial acara télévisi Agatha Christie's Poirot. Dhèwèké banjur olèh nominasi pangaji BAFTA ing taun 1991 olèhé maraga Poirot iki.[2][3]

Babad salira[besut | besut sumber]

Mangsa cilik lan latar wuri kulawargané[besut | besut sumber]

David Suchet iku lair ing London[4] minangka anaké Joan Patricia (jeneng lairé Jarché; 1916–1992), sawijining aktris, lan Jack Suchet. Jack iku ngalih menyang Inggris saka Afrika Kidul ing taun 1932, lan sinau dadi dhokter ing St Mary's Hospital Medical School, London, taun 1933, lan dadi ahli obstetrik lan ginékolog.[4][5][6]

Bapané David iku katurunan Yahudi Lituania, anaké Izidor Suchedowitz,[7] asalé saka Kretinga ing Pangkal Pamukiman ing Kakaisaran Rusia.Ing sawijining wanci, jeneng kulawargané katulis minangka "Schohet", sawijining tembung basa Yiddish (saka basa Ibrani shochet) sing ngarani gawéan minangka tukang jagal kosher. Bapaké David ngganti panulisan jenengé dadi Suchet nalika uring ing Afrika Kidul. Ibuné David iku lair ing Inggris lan agamané Anglikan (dhèwèké katurunan Yahudi Rusia saka bapané lan ibuné iku wong Inggris asli sing agamané Anglikan).[5] David iku ora diajari agama nalika cilik, nanging dadi mraktèkaké agama Anglikan ing taun 1986 lan olèh sakramèn panguwatan ing taun 2006.[5][8][9][10][11]

David lan saduluré, Peter lan John padha sekolah ing sekolah asrama Grenham House ing Birchington-on-Sea, Kent, Inggris. Sawisé iku kabèh padha lunga menyang sekolah swasta Wellington School ing Somerset, David banjur katarik main sandiwara lan mèlu National Youth Theatre kanthi umur 18 taun. Dhèwèké sinau ing London Academy of Music and Dramatic Art, ing endi awaké dadi anggota rad saiki.

Kangmasé, John, iku pambiwara télévisi Britania lan manten juru waca warta ITN. Nakduluré David iku uga pambiwara ajeneng Richard Suchet.

Karièr[besut | besut sumber]

Ing taun 1973 David Suchet dadi anggota Royal Shakespeare Company. Dhèwèké mèlu main ing filem TV A Tale of Two Cities (1980) lan ing taun 1985 maragakaké Blott ing sérial TV Blott on the Landscape. Ing filem Thirteen at Dinner David maragaké inpèktur James Japp, kamangka Peter Ustinov maragakaké Hercule Poirot.

Banjur antara taun 1989 lan 2013 David Suchet maragakaké Hercule Poirot ing sérial TV Agatha Christie's Poirot ping 70 cacahé. Ing taun 1991 awaké dinominasèkaké kanggo pangaji BAFTA minangka paragané iki.

Urip pribadi[besut | besut sumber]

Ing taun 1972, David ketemu bojoné, Sheila Ferris, ing Belgrade Theatre, Coventry, ing ngendi loro-loroné nyambut gawé. David nyatakaké dhèwèké langsung gandrung kasengsem marang awaké sawisé ndeleng Sheila, lan let wanci suwé sadurungé David bisa ngrayu ngajak Sheila lelungan mangan bareng.[12] Loro-loroné mantènan ing tanggal 30 Juni 1976 lan pinaringan anak loro; anak lanang Robert (kalairan 1981), manten kapitèn ing Angkatan Laut Britania,[1] lan anak wadon Katherine (kalairan 1983), sawijining fisiotérapis.

Suchet iku saduluré John Suchet, pambiwara warta nasional Britania kanggo Five News lan Breakfast Show ing Classic FM ing Britania (January 2011).[13] Ponakané Richard Suchet, sing uga dadi pambiwara iku anaké adhiné, Peter, sing enom dhéwé.

Mbahé Suchet saka ibuné, James Jarché, iku sawijining fotograd Fleet Street wigati sing misuwur déné olèhé moto Edward VIII lan Wallis Simpson, saha fotoné olèhé motrèt Louis Blériot (1909) lan Paprangan Stepney ing Sidney Street, London. David dadi katarik marang fotografi sawisé mbahé maringi awaké kodhak Kodak minangka kadho.[12] Kulawarga Jarché iku mulané jenengé Jarchy, lan mbiyèné iku wong Yahudi Rusia.[5][14]

Mbahé David saka bapané, Isidor Shokhet, asalé saka Kretinga, Lituania ing Pangkal Pamukiman, Kakaisaran Rusia. Sawisé ngungsi amerga dikuya-kuya, awaké ngalih menyang Memel ing Kakaisaran Jerman, sing adohé 25 kilomèter. Banjur jeneng kulawargané diganti dadi Suchedowitz,[15] ing endi Suched+o+witz digawé mèmper struktur jeneng Polen [dhasar]+wicz karo o menawa aksara pungkasané tembung dhasar iku d, t, h, n, lan sapanunggalané, kaya ta Janowicz=Jan+o+wicz. Nanging cara panulisané digawé Jerman lan aksara cz katulis tz, kaya ta jeneng Jerman Janowitz. Saliyané iku tembung suche iku tegesé "garing" ing basa Polski. Sawisé iku jenengé dicekak dari Suchet sawisé manggon ing Kaapstad, Afrika Kidul.[14][16]

Mbah buyuté kakung mbahé putri, dadi mbah udheg-udhegé David sing jenengé George Jezzard iku wadya utama Angkatan Laut. Dhèwèké kapitèn kapal brig Hannah, sing kèli sangang mil lepas pasisir Suffolk nalika ada angin lesus tanggal 28 Mèi 1860. Nalika iku luwih saka 100 kapal lan minimal 40 jiwa ilang. Jezzard lan enem anggota awak kapalé dislametaké wong-wong lokal pas sadurungé kapalé klelep.[5]

Agama[besut | besut sumber]

David Suchet iku nalika cilik ora tau diajari agama, nanging ing taun 1986 sawisé maca Roma 8 ing Alkitab hotel dhèwèké banjur katarik marang agama. Ora let suwé, David Suchet dibaptis ing Gréja Inggris.[17] David uga nyatakaké ing sawijining wawancara karo kalawarti Strand menawa agamané iku Kristen. Dhèwèké kepénging menawa agamané iku ndeleng sabagéan gedhé uripé awaké. Dhèwèké percaya banget ing prinsip-prinsip Kakristenan lan prinsip mayoritas agama, ya iku menawa wong kudu ninggalaké awaké lan pasrah karo kabecikan sih luwih dhuwur.[18] Ing taun 2012, David Suchet nggawé dokumentèr kanggo BBC prakara pahlawan pribadiné, ya iku Santo Paulus, dhèwèké kapéngin nemokaké kaya ngapa awaké iku kanthi napak tilas panglelanané ing sakiwa-tengené Sagara Tengah.[19] Rong taun sawisé iku, dhèwèké nggawé dokumentèr liya, saiki prakara Santo Petrus.[17]

Ing tanggal 22 Novèmber 2012, Lembaga Alkitab Britania wara-wara menawa David Suchet lan Dr Paula Gooder diangkat dadi wakil presidèn anyar. Wong loro iki nggabung para wakil presidèn sing wis diangkat sadurungé: John Sentamu (Uskup Agung York), Vincent Nichols (Uskup Agung Westminster), Barry Morgan (Uskup Agung Wales), David F. Ford (Profèsor Regius Kahyangan ing Universitas Cambridge), Joel Edward (Dirèktur Internasional Micah Challenge) lan Lord Alton saka Liverpool.[20] Sawisé dhèwèké ngrampungaké olèhé maraga dadi Hercule Poirot, David Suchet banjur bisa nggayuh cita-citané sawisé 27 taun nggawé rekaman Alkitab New International Version, sing dibabar tanggal 24 April 2014.[17]

Visi pulitik[besut | besut sumber]

Ing sasi Agustus 2014, David iku salah siji saka 200 tokoh umum Britania sing mèlu napakastani lawijing menyang koran The Guardian ing isiné pangarepan supaya Skotlandia panggah dadi bagéan saka Karajan Manunggal Britania Agung lan Irlandia Lor sawisé réferèndum Skotlandia.[21]

Filmografi[besut | besut sumber]

Wewacan sabanjuré[besut | besut sumber]

Réferènsi[besut | besut sumber]

  1. a b "David Suchet interview: the clue to Poirot's long life". The Daily Telegraph. 13 May 2010. 
  2. "The Actor Behind Popular 'Poirot", The Christian Science Monitor, 25 March 1992.
  3. "Inside the mind of a médhia monster". Yorkshire Post. 27 April 2007.
  4. a b "David Suchet profile at". FilmReference.com. Dijupuk 19 September 2010. 
  5. a b c d e "Who Do You Think You Are?". BBC. Dijupuk 19 September 2010. 
  6. Fraser, Alasdair (24 November 2001). "Obituary of Jack Suchet: Obstetrician and gynaecologist who worked with Fleming on the role of penicillin in treating venereal disease". BMJ. Dijupuk 25 September 2008. 
  7. "David Suchet's grandfather". bbc.co.uk. Dijupuk 20 November 2013. 
  8. Nathan, John (21 May 2010). "Interview: David Suchet". The Jewish Chronicle. Dijupuk 2 January 2011. 
  9. Dodd, Celia (9 January 2009). "David Suchet still on the case". The Times (London). Dijupuk 1 May 2010. 
  10. "Interview with David Suchet". Dsuchet.ru. Diarsip saka sing asli ing 22 September 2010. Dijupuk 19 September 2010. 
  11. "Suchet's Acts of Faith", This Is London
  12. a b "Desert Island Discs with David Suchet". Desert Island Discs. 13 February 2009. BBC. Radio 4. 
  13. British Library Archival Sound Recordings. Retrieved on 13 February 2009
  14. a b Who do you think you are? BBC. Broadcast on 17 September 2008
  15. "Jewish Names". Judaism 101. Dijupuk 29 September 2014. 
  16. Obituary of Jack Suchet (24 November 2001)
  17. a b c Lodge, Carey (21 April 2014). "David Suchet: Recording the NIV Bible is my legacy". Christian Today. Dijupuk 19 March 2015. 
  18. Suchet religious conversion, Strandmag.com
  19. Profile in The Australian
  20. Whitnall, Bill (22 November 2012). "Bible Society announce Suchet and Gooder as new VPs.". British Bible Society News. Dijupuk 2 December 2012. 
  21. "Celebrities' open letter to Scotland – full text and list of signatories". The Guardian (London). 7 August 2014. Dijupuk 26 August 2014. 
  22. http://www.radiotimes.com/news/2016-08-16/david-suchet-to-guest-star-in-doctor-who-series-10


Pranala njaba[besut | besut sumber]