Camelidae

Camelidae; Kalamangsa: 45–0 Ma PraЄ Є O S D C P T J K Pg N Tengah Eocene-Saiki
	Sawijining Onta Baktrian lumaku ing salju
Klasifikasi ngèlmiah
Karajan:	Animalia
Filum:	Chordata
Klas:	Mamalia
Ordho:	Artiodactyla
Subordho:	Tylopoda
Famili:	Camelidae; Gray, 1821
Genus
	Lama; Vicugna; Camelus
	Peta donya sing nuduhaké distribusi camelidae, sadurungé tetepungan modhèren Australia lan ing papan liya. Garis ireng nuduhaké mungelé rute migrasi.

Camelidae kéwan mawa driji kuku genep, diklasifikasikaké sajeroning ordho Artiodactyla. Onta iku spésies misuwur saka famili iki. Anggota famili Camelidae liyané ya iku llama, alpaca, vicuna, lan guanaco. Anggota Artiodactyla liyané ya iku babi, jaran nil, lan ruminansia.

Karakteristik

Camelidae iku kéwan gedhé kanthi wangun gulu sing khas lan sikil sing dawa.Lan kéwan-kéwan iki hèrbivor. Camelidae dibédakaké karo ruminansia amarga sapérangan bab. Untuné nuduhaké sisa untu seri ing rahang ndhuwur, lan untu seri katelu tuwuh dadi mèmper gadhing. Camelidae uga duwé siyung, lan untu graham ngarep sing mèmper gadhing sing kapisah karo untu graham mburi déning sawijining let. Struktur otot sikilé uga béda karo kéwan liyané, sikilé dadi siji karo awak liwat pupu pérangan ndhuwur, béda karo kéwan liya sing wis dadi siji ing pérangan dhengkul liwat otot lan kulit. Saéngga kanggo lèrèn, kéwan iki kudu sedheku. Kéwan iki duwé telung ruang ing saluran pancernan, béda karo ruminansia sing ana papat. Lan béda liyané ya iku wangun sel getihé sing wangun elips. Kéwan iki duwé antibodi sing unik sing duwé sithik pacawangan saéngga ukurané adoh luwih cilik tinimbang kéwan liyané.

Kéwan iki ora duwé cakar, nanging mung kuku gedhé cacahé loro lan tlapak sikil sing empuk. Camelidae Amérika Kidul mupangataké kuku gedhé iku kanggo adhaptasi ing kaanan lingkungan sing njuleg lan akèh watuné, ngundhakaké gripé sajeroning mendaki.

Klasifikasi

Ordo Artiodactyla
- Subordo Suina
- Subordo Ruminantia
- Subordo Tylopoda
  - †Famili Xiphodontidae
  - †Famili Protoceratidae
  - †Famili Oromerycidae
  - †Famili Merycoidodontidae
  - Famili Camelidae
    - †Subfamili Poebrodontinae
    - †Subfamili Poebrotheriinae
    - †Subfamili Miolabinae
    - †Subfamili Stenomylinae
    - †Subfamili Floridatragulinae
    - Subfamili Camelinae
      - Genus Lama
        Llama, Lama glama
        
        Guanaco, Lama guanicoe
      - Genus Vicugna
        Vicuña, Vicugna vicugna
        
        Alpaca, Vicugna pacos (sadurungé dikategorikaké sajeroning génus Lama)
      - Genus: Camelus
        Dromedary, Camelus dromedarius
        
        Bactrian, Camelus bactrianus
        
        †Syrian Camel
        
        †Camelus gigas
        
        †Camelus hesternus
        
        †Camelus sivalensis

Pranala njaba