CIA World Factbook

Saka Wikipédia Jawa, bauwarna bébas abasa Jawa
Cover CIA World Factbook 2007 (edisi pamaréntah).
Edisi online saka Factbook, Fèbruari 2007.

CIA World Factbook (ISSN 1553-8133; ing Amérika Sarékat disebut The World Factbook), iku sawijining publikasi taunan saka Central Intelligence Agency (CIA), badan intèlijen Amérika Sarékat. CIA World Factbook (dicekak Factbook waé) isi data-data almanak ngenani nagara-nagara ing donya. Ing njeroné ana ringkesan 2-3 kaca bab masalah demografi, géografi, komunikasi, pamaréntahan, ékonomi lan militèr saka 268 nagara utawa dependensi sing diakoni déning Amérika Sarékat.

Tujuan utama saka panulisan buku iki ya iku kanggo nyadiakaké informasi marang para punggawa pamaréntah Amérika Sarékat. Nanging, Factbook uga kerep kanggo sumber utawa referensi déning mahasiswa, pelajar, utawa publikasi-publikasi liyané. Amarga arupa karya punggawa pamaréntah AS, Factbook dumunung ing domain umum (public domain).

Sumber-sumber Factbook[besut | besut sumber]

Sajeroning nyusun factbook, CIA migunakaké manéka werna sumber, antarané

Lan uga migunakaké sumber-sumber publik utawa swasta liyané.

Hak cipta[besut | besut sumber]

Factbook dumunung ing domain umum. Amarga saka iku, sapa waé duwé hak kanggo nyebaraké, nyalin utawa ngowahi isiné. Sanajan mangkono, CIA nyuwun supaya jeneng Factbook disebutaké yèn dikutip isiné. Amarga dumunung ing domain umum, akèh website lan buku sing migunakaké informasi lan gambar saka Factbook.

Kacumepakan[besut | besut sumber]

Edhisi cithak Factbook sumadya sajeroning rong jinis, ya iku edhisi pamaréntah lan edhisi cithak saka Potomac Books Inc.. Edhisi online saka Factbook uga sumadya ing internet. Factbook uga tau dipublikasèkaké sajeroning wangun CD-ROM, kaset tapé, microfiche, lan disket.

Sadurungé taun 2001, Factbook dianyaraké saben taun. Lumrahé edhisi paling anyar diterbitaké saben tanggal 1 Januari. Wiwit taun 2001, CIA nganyaraké edhisi online Factbook saben rong minggu. Edhisi cithak tetep dianyaraké saben 1 taun.

Pranala njaba[besut | besut sumber]