Dhomain publik

Saka Wikipédia Jawa, bauwarna mardika basa Jawa
(Kaelih saka Domain umum)
Gambar omah padésan ing Sumatra iki kababar rikala taun 1810 lan saiki wis kalebu dhomain publik.

Dhomain publik, dhomain umum, utawa darbéning warga (basa Inggris: public domain) wohing laku kréatif lan kawruh kaya ta tulisan, karya kagunan (artwork), musik, sains, rerékan (invention), lan liya-liyané kang ora ana sawenèh wong utawa organisasi kang duwé kawigatèn proprietari (kawigatèn proprietary racaké dilakoni kanthi mènèhi hak cipta utawa patèn) marang bab-bab mau. Karya lan rerékan kang ana ing dhomain publik kaaran péranganing warisan budaya publik, lan saben wong bisa nggunakaké tanpa watesan (ora kalebu ukum kang magepokan karo pangayoman, èspor, lsp.).

Hak cipta rinancang kanggo tetawa anggoné ngembangaké kagunan (art) lan kawruh kanthi mènèhi panyengkuyung dana marang kang ngréka. Publik nduwé hak kanggo migunakaké tanpa kabotan prakara dana utawa sosial. Nalika hak cipta utawa watesan liyané wis tekan wayah pungkasan uripé, karya dibalèkaké menyang dhomain publik.

Sumber[besut | besut sumber]

  • Fishman, Stephen, The Public Domain: How to Find & Use Copyright-Free Writings, Music, Art & More. ISBN 0873374339

Pranala njaba[besut | besut sumber]