Bondan Winarno
Bondan Winarno (lair ing Surabaya, Jawa Timur, 29 April 1950 – pati ing Jakarta, 29 Novèmber 2017 ing umur 67 taun) ya iku penulis lan wartawan Indonésia kanthi warna-warna pakulinan.[1] Dhèwèké dadi pelopor lan dadi ketua Jalansutra, ya iku komunitas wisata boga kang misuwur ing Indonésia.[1] Dhèwèké uga dadi panatacara ing acara kuliner ing Trans TV.[1] Ing acara iku Bondan asring ngucapake tembung Pokoe maknyus! kang dadi andhalane.[1] Tembung iku diartiké kanggo kaanan kang nyaman, énak lsp.[1] Saliyané iku dhèwèké uga ngadegaké Kopitiam Oey.[1]
Wiwit 1950-1960, Bondan dadi penulis lepas.[1] Dhèwèké nulis ana ing penerbitan kaya ta Kompas, Sinar Harapan, Suara Pembaruan, Tempo, Mutiara, Asian Wall Street Journal, lsp.[1] Ing taun 1984-1987 dhèwèké dadi redaktur kepala majalah SWA.[1] Taun 1987-1994 dhèwèké njabat minangka Présidhèn Ocean Beauty International, perusahaan panganan khas iwak sagara kang ana ing Seattle Washington, Amérikah Sarékat.[1] Ing taun 1998-1999 dhèwèké dadi konsultan kanggo Bank Dunia ing Jakarta, banjur taun 2000 dhèwèké dadi direktur èksekutif saka organisasi kang nglestarikake lingkungan.[1] Ing taun 2001-2003 dhèwèké dadi pemimpin redaksi harian Suara Pembaruan.[1]
Bebungah
[besut | besut sumber]Ing 1967, dhèwèké éntuk Baden Powell Adventure Award nalika dadi pemimpin regu Indonesia ing Boy Scouts World Jamboree ing Farragut State Park, Idaho, USA.[2] Nalika iku dhèwèké uga kapilih dadi honor guard kanggo Lady Olave Baden Powell.[2] Dhèwèké tau éntuk tandha penghargaan Satya lencana Pembangunan saka pamaréntah Republik Indonesia amarga jasa-lelabuhané dadi ketua kelompok Phinisi Nusantara kang layar saka Jakarta tekan Vancouver ing acara Expo 1986.[2]
Bibliografi
[besut | besut sumber]- Satu Abad Kartini, 1879-1979: Bunga Rampai Karangan Mengenai Kartini (editor) (1979)
- Neraca Tanah Air: Rekaman Lingkungan Urip '84 (1984)
- Cafe Opera: Kumpulan Cerita Pendek (1986)
- Seratus Kiat, Jurus Sukses Kaum Bisnis (1986)
- Tantangan Jadi Peluang: Kegagalan dan Sukses Pembangunan Jaya Selama 25 Tahun (1987)
- Kiat Menjadi Konglomerat: Pengalaman Grup Jaya (1996)
- Manajemen Transformasi BUMN: Pengalaman PT Indosat (1996)
- BreX: Sebungkah Emas di Kaki Pelangi (1997)
- Kiat Bondan di Kontan: Berpikir Strategis di Saat Krisis (1998)
- Jalansutra: Kumpulan Kolom Jalan-Jalan dan Makan-Makan di Suara Pembaruan Minggu dan Kompas Cyber Media (2003)
- Lagu Kebangsaan Indonesia Raya (2003)
- Belajar Tiada Henti: Biografi Cacuk Sudarijanto Ditulis Bersama Bondan Winarno (2004)
- Pada Sebuah Beranda: 25 Cerpen (2005)
- Puing: Sebuah Novèl Kolaborasi (2005)
Cathetan suku
[besut | besut sumber]- 1 2 3 4 5 6 7 8 9 10 11 12 Boindan Winarno [pranala mati permanèn] (Dipuntingali tanggal 26 Juni 2011)
- 1 2 3 Biografi/Profil Bondan Winarno [pranala mati permanèn] (Dipuntingali tanggal 26 Juni 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |