Beno Siang Pamungkas

Saka Wikipédia Jawa, bauwarna mardika basa Jawa

Beno Siang Pamungkas (lair di Kabupatèn Bojonegoro, Jawa Timur 1968; yuswa 56 taun) inggih punika salah satunggalipun sastrawan saking Indonesia. Namanipun misuwur lumantar pakaryanipun awujud carita cekak lan geguritan ingkang dipunmot wonten sawenèh ariwarta lan buku kempalan geguritan. Piyambakipun punika kalebet salah satunggalipun sastrawan ingkang ndhèrèk mandhégani wontenipun revitalisasi sastra pedalaman sesarengan kaliyan Sosiawan Leak, Wijang Wharek, Triyanto Triwikromo, lan Kusprihyanto Namma, ingkang dipun-cakaken ing dasawarsa 1990-an. Kajawi nyerat karya sastra, Beno Siang Pamungkas nelatèni padamelanipun minangka juru warta lan kapracaya dados koordhinator tlatah (korda) wonten MNC tlatah Jawa Tengah. Sesarengan kaliyan sastrawan Timur Sinar Suprabana, piyambakipun naté mbabar kalih buku kempalan geguritan inggih punika Gobang Semarang lan Menyelam Dalam.[1][2][3][4]

Latar wingking[besut | besut sumber]

Beno Siang Pamungkas lair ing Kabupatèn Bojonegoro, Jawa Wétan taun 1968. Ngrampungaken pawiyatan luhur wonten Universitas Negeri Semarang. Ing kalodhangan kejawi kuliyah, Beno ugi nglampahi kiprah ing babagan kasusastran lan téater. Piyambakipun naté dipunpracaya dados juru paraga baku spérang pagelaran téater, antawisipun minangka Julini wonten judhul Opera Kecoa anggitanipun Arifin C. Noor sesarengan kaliyan Teater SS IKIP Semarang, wonten Auditorium IKIP Semarang, minangka Borok wonten lakon Umang-umang atawa Orkes Madun II anggitanipun Arifin C. Noor sesarengan kaliyan Teater Dhome ing Auditorium Radio Republik Indonesia Semarang. Beno ugi pangémunah Teater Embrio ing Jurusan Pendidikan Biologi. Kajawi punika, Beno Siang Pamungkas ugi asring nyengkuyung kagiyatan kasusastran awujud wawan rembag lan pagelaran, kalebet nyerat karya sastra awujud geguritan lan carita cekak ingkang dipunmot ing sawenèh ariwarta lan buku kempalan geguritan. Ing taun 1996, sesarengan Sosiawan Leak, Wijang Wharek, Triyanto Triwikromo, lan Kusprihyanto Namma Beno ndhèrèk mandhégani wontenipun revitalisasi sastra pedalaman ingkang ngupados karya sastra saget kababar utawi kagelar wonten ing tlatah-tlatah lan ngéndhani supados Jakarta mligi namung dipundadosaken pusatipun kasusastran.[5]

Pakaryan[besut | besut sumber]

  • Sajak Sampah Gerinda Baja
  • Gobang Semarang
  • Menyelam Dalam
  • Ensiklopedi Kesedihan

Padamelan[besut | besut sumber]

Ugi pirsani[besut | besut sumber]

Rujukan[besut | besut sumber]

  1. Leksikon Kesusastraan Indonesia: Beno Siang Pamungkas, kapundhut 11 Mèi 2017
  2. Sastra Pembebasan: Beno Siang Pamungkas dan Timur Suprabana Baca Puisi di Surabaya Archived 2020-07-27 at the Wayback Machine., kapundhut 11 Mèi 2017
  3. IVAA: Beno Siang Pamungkas, kapundhut 11 Mèi 2017
  4. GoodReads: Menyelam Dalam, kapundhut 11 Mèi 2017
  5. Salihara: Suara-suara dari Tepian Negeri Archived 2017-06-13 at the Wayback Machine., kapundhut 11 Mèi 2017