Kusprihyanto Namma

Kusprihyanto Namma (lair ing Kabupatèn Ngawi, Jawi Wétan, 30 Oktober 1965; umur 58 taun) inggih punika salah satunggalipun sastrawan saking Indonesia. Namanipun sampun misuwur lumantar pakaryanipun awujud lakon sandhiwara, geguritan, lan carita cekak ingkang dipunmot ing sawenèh ariwarta Indonesia. Kusprihyanto Namma kalebet salah satunggalipun sastrawan ingkang nyengkuyung revitalisasi sastra pedalaman, sesarengan kaliyan Sosiawan Leak, Wijang Wharek, Beno Siang Pamungkas, lan Triyanto Triwikromo ingkan dipuncakaken ing dasawarsa 1990-an.^[1]^[2]^[3]^[4]

Latar wingking[besut | besut sumber]

Kusprihyanto Namma lair ing Kabupatèn Ngawi, Jawa Timur, surya 30 Oktober 1965. Piyambakipun sampun ngraketi jagat kasusastran nalika taksih sinau wonten sekolah manengah. Kusprihyanto lajeng nerasaken wonten pawiyatan luhur Universitas Sebelas Maret ing Program Studi Pendhidhikan Basa lan Sastra Indonesia. Sapérang kelompok teater ingkang naté dipunlairaken déning Kusprihyanto antawisipun Teater Garasi, Teater Opi, Kelompok Peron, Sanggar Duaribu, lan Teater Magnit ingkang dumugi sapunika taksih dipunuri-uri nggelar pakaryanipun, mliginipun wonten pawiyatan ing mriku piyambakipun mucal.