Beksan Jebeng
 Para pambeksa Beksan Jebeng | |
| Jeneng lugu | Beksan Jebeng |
|---|---|
| Instrumen | Gamelan |
| Asal |  Pura Pakualaman, Daérah Istiméwa Ngayogyakarta, Indonésia |
Beksan Jebeng inggih punika salah satunggaling beksan ingkang asalipun saking Pura Pakualaman, Daérah Istiméwa Ngayogyakarta. Beksan punika kalebet beksan alus, ananging dipun beksa mawi watek gagah mergi ing salebeting beksan punika ngagem pirantos kados tamèng saking kulit ingkang wujudipun bunder setengah. Cepengipun kadamel saking kajeng ingkang panjang kalih sakedhik nglengkung.[1]
Sajarah
[besut | besut sumber]Kangjeng Gusti Paku Alam II ingkang ngripta beksan punika.[2][3] Ing nguni, pambeksa ing beksan punika racakipun cacah sekawan, salah satunggalipun Paku Alam II piyambak ingkang mbeksa kalihan dipun réncangi tigang priyantun sanèsipun.[2] Lajeng, beksan Jebeng dipun rembakakaken kalihan dipun lestantunaken wiwit Paku Alam III ngantos Paku Alam VIII. Dhedhasar parembakanipun, beksan punika nyariyosaken paprangan antawis Radèn Arjuna lumawan Adipati Karna ingkang dedamel jebeng (jinising tamèng) kalihan wangkingan.[1]
Nalika Kangjeng Gusti Paku Alam VIII jumeneng nata, beksan Jebeng dipun rembakakaken malih mawi téma kamardikan. Ing salakuning parembakan salajengipun, beksan punika ginelar ing fèstival Visit Indonesia Year taun 1991.[1]
Rujukan
[besut | besut sumber]- ↑ a b c Direktorat Warisan dan Diplomasi Budaya (2018). Katalog Warisan Budaya Takbenda Indonesia 2018 (PDF). Jakarta: Kementerian Pendidikan, Kebudayaan, Riset, dan Teknologi Republik Indonesia. kc. 137–138.
- ↑ a b Fibiona, Indra; Harnoko, Darto (2021). Kagunan Sekar Padma: Kontinuitas dan Perkembangan Kesenian Tradisional di Yogyakarta Awal Abad XX. Yogyakarta: Balai Pelestarian Nilai Budaya Yogyakarta. kc. 48. ISBN 978-623-7654-14-8.
- ↑ Yulianto; Nurcahyo, R. Jati (2020). "Pelestarian Budaya Pura Pakualaman Sebagai Wisata Sejarah di Yogyakarta". Khazanah Ilmu. 11 (1): 67. ISSN 2655-5433.