Paku Alam II

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Kanjeng Gusti Pangéran Arya Adipati Paku Alam II (Hanacaraka: ꦑꦚ꧀ꦗꦼꦁꦓꦸꦱ꧀ꦠꦶꦦꦔꦺꦫꦤ꧀​ꦄꦢꦶꦥꦠꦶꦄꦂ​ꦪꦦꦏꦸꦄꦭꦩ꧀꧇꧒꧇) utawi Paku Alam II utawi Radèn Tumenggung Natadiningrat inggih punika putranipun Paku Alam I ingkang lair ing Akat Pon 27 Ruwah Be 1712 Mangsa Kasa Wuku Watugunung Windu Sangara, utawi 25 Juni taun 1786[1] kanthi nana RM. Subekti.[2] Saking taun 1814 gantos asma dados Pangeran Suryaningrat.[3] Nalika taun 1829 piyambakipun dipunangkat dados Kepala Kadipaten Pakualaman kanthi sesebutan K.G.P Adipati Suryadiningrat.[4] Nalika piyambakipun mangku kalungguhan puniku, yuswanipun sampun 44 taun.[1] Sri Paku Alam II boten namung nglajengaken tradhisinipun Sri Paku Alam I inggih punika nyinaoni babagan kasustraan, nanging piyambakipun ugi nyinaoni babagan kasenian.[3]

Kulawarga[besut | besut sumber]

RT. Natadiningrat gadhah garwa padmi inggih punika G.K.R Ayu, putrinipun Hingkang Sinuhun Kanjeng Sultan Hamengkubuwono II.[4] Piyambakipun patutan ingkang cacahipun sekawan[1] inggih nama Muktianawati, Sariningdyah, Resminingdyah lan Widawati. Saking sedayanipun, RT Natadiningrat peputra cacah 16.[2] Nalika samanten, putra mbajengipun inggih punika K.P Hario Suryoputra sampun tilar donya.[3] Putra kaping kalih, inggih punika K.P Suryoningrat, kaganggu pikiranipun amargi kejeron anggènipun nyinaoni babagan klenik.[1] Putranipun kang kaping tiga namanipun K.P.H Nataningprang ngrencangi Sri Paku Alam II ing babagan pamaréntahan kaliyan dados balung punggung kulawarga.[4] Nanging nalika taun 1857 piyambakipun tilar donya.[3] Salajengipun putra ingkang ragil inggih punika K.P.H Sasaraningrat ingkang nggantosaken Sri Paku Alam II kanthi sesebutan K.G.P Adipati Paku Alam III.[1] Dene saking garwa ampeyan nama Resminingdyah, panjenenganipun peputra RM Saparja kang ing tembe jumeneng Sri Paku Alam V.[2] Sri Paku Alam II séda ing tanggal 23 Juli 1858 nalika yuswanipun 73 taun.[1]

Ugi pirsani[besut | besut sumber]

Pranala njaba[besut | besut sumber]

Cathetan suku[besut | besut sumber]

  1. a b c d e f [Djoko Dwiyanto. 2009. Puro Pakualaman Sajarah, Kontribusi, dan Aji Kejuangannya. Yogyakarta: Paradigma Indonesia. ISBN 978-979-17836-0-8. Hal 15.]
  2. a b c Ratna,, Saktimulya, Sri. Naskah-naskah skriptorium Pakualaman : periode Paku Alam II, 1830-1858 (ed. Cetakan pertama, Desember 2016). Jakarta. ISBN 9782855391991. OCLC 970396271. 
  3. a b c d [Soedarisman Porwokoesoemo. 1985. Kadipaten Pakualaman. Yogyakarta: Gama Press]
  4. a b c [Soejono Prawirohadikusumo. 1999. Jumeneng Dalem KGPAA Paku Alam IX. Yogyakarta: Puro Pakualaman]