Aurora

Saka Wikipédia Jawa, bauwarna bébas abasa Jawa
Jump to navigation Jump to search


Aurora Borealis Cemlorot ing Ndhuwur Bear Lake
Bangjo(Abang lan Ijo) Aurora ing Fairbanks, Alaska
Cahya Aurora sisih lor karo Aurora biru sing langka banget Moskosel, Lapland ing Sweden
Aurora Australis ing Antartika

Pangartianne[besut | besut sumber]

Northern Lights utawa Aurora ya iku kedadeyan metuné cahya sing mbulat-mbulat ning Lapisan Ionosfer saka planit amarga enenge interaksi antarané medan magnetik sing diduweni planit mau karo partikel sing duwé partikel momotan sing dipancarke srengéngé (maruta srengéngé).[1] Ning donya, aurora iki eneng ning sisih Kutub Lor lan Kutub Kidul magnetiké.[1] Aurora sing kedaden ning sisih Lor mau nganggo jeneng Aurora Borealis (IPA /ɔˈɹɔɹə bɔɹiˈælɪs/), sing dijenengi Dewi Fajar Rom, Aurora, lan jeneng Yunani kanggo angin lor, Boreas.[1] Iki amarga ning Éropah, Aurora kerep keton kaya abrit-abrit ning Ufuk Lor sing kaya ketok srengéngé njedhol saka sisih iku.[1] Aurora Borealis mesthi eneng ing sasi September lan Oktober, Maret lan April.[1] Kadaden Aurora iki ning sisih kidul dijenengi Aurora Australis sing duwé sipat padha.[1] Jarene, sing paneliti ionosfer, fenomena alam ing atmosfer nduwur sing kapisanan ya iku aurora.[2] Dhapuré aurora ana kaya lengkung utawa mbelengkuk, garis, kaya lembara, lsp sing ketok ning wayanh bengi ning langit.[2] Miturut legenda-legenda Yunani lan Cina, aurora iku dianggep penampakan déwa/penguasa alam semesta.[2] Kedadeyan Northern Light ing wektu subuh ning kutub lor, sing ngetokke cahya saka awang-awang racaké uga bisa diarani polar auroras, amarga racaké ketok antrané 65-72 drajat lintang lor lan kidul.[2] Kedadeyan Northern Light arang-arang lan ora kethok karo mripat biyasa.[2]

Cathetan suku[besut | besut sumber]

  1. ^ a b c d e f [1] (diakses tanggal 15 Juli 2011)
  2. ^ a b c d e [2] (diakses tanggal 15 Juli 2011)