Asma Nadia
Asma Nadia ya iku juru nulis cerkak, gurit, lan resensi ing médhia sekolah.[1] Asma Nadia uga siji-sijiné tokoh wanita kang nrima anugerah Tokoh Owah-owahan Républika 2010. Dhèwèké kasil nginspirasi wong akèh, khususé kang maca karyané kanggo nglakokaké hal-hal positif.[2]
Lair
[besut | besut sumber]Asma Nadia lair duwé jeneng dawa Asmarani Rosalba. Dhèwèké lair ing Jakarta, tanggal 26 Maret 1972. Lair saka pasangan Amin Usman lan Maria Eri Susianti.[3]
Nalika Cilik
[besut | besut sumber]Nalika Cilik, Asma kerep nandang lara, kaya lara jantung, banjur lara paru-paru, uga naté gegar utek. Dadi Asma cilik wis akrab karo rumah sakit. Amarga lara mau uga dhèwèké ora bisa ngrampungaké kuliah ing IPB. Kang dilakokake nalika ing omah sakit ya iku maca buku. Ibuke asring nukokake buku nalika dhèwèké kudu ngenteni ing omah sakit. Asma kadhang takon sajeroning ati, saka ndi buku kabèh mau, amarga kulawargané banget prasaja. Akhire Asma ngerti manawa ibuke ngorbanake ora mangan awan mung kanggo tuku buku.[4]
Kulawarga
[besut | besut sumber]Asma Nadia ya iku garwa saka Alamsyah lan duwé putra loro, ya iku Salsabila lan Adam Putra.[1]
Nulis lan Ngripta Tembang
[besut | besut sumber]Asma Nadia wiwit nulis nalika dhèwèké wiwit ngripta tembang ing SD. Dhèwèké wiwit kerep nulis lan mublikasikake karyané sakawit lulus saka SMA 1 Budi Utomo, Jakarta. Sasarane ya iku kalawarta Islami. Dhèwèké uga nulis cakepan tembang, kaya kang dilagokake déning golongan Snada. Dhèwèké prinsipe kuwat nanging lemah lembut lan duwé obsesi nulis kang dhuwur. Dhorongan saka kulawarga lan wong-wong kang nresnani dhèwèké iku ndadèkaké motivasi nulis kanggo dhèwèké. Mula dhèwèké tansah ngirim tulisané ing kalawarta Islam.[1]
Pendhidhikan
[besut | besut sumber]- SMA 1 Budi Utomo, Jakarta
- Fakultas Teknologi Pertanian, Institut Pertanian Bogor, nanging kuliahe ora tamat amarga kudu lèrèn sakawit dhweke nandang lara.[3]
Lirik Tembang
[besut | besut sumber]Cakepan tembang-tembang Asma Nadia bisa tinemu ing:
- Album Bestari I (1996)
- Bestari II 1997
- Bestari III (2003
- Snada The Prestation
- Air Mata Bosnia
- Cinta Ilahi
- Kaca Diri.[3]
Prestasi
[besut | besut sumber]Prestasine Asma Nadia, kaya déné:
- Sawijining cerpene kang judhule Imut lan Koran Gondrong naté menang juara I Lomba nulis Cerita Pendek Islami (LMCPI) tingkat nasional kang dianakake Majalah Annida 1994 lan 1995.
- Bukune Rembulan di Mata Ibu éntuk Adikarya IKAPI kanggo kategori Buku Remaja Terbaik I taun 2001.
- Asma uga naté éntuk pangaji-aji saka Adikarya IKAPI taun 2002.
- Taun 2003, Asma Nadia dadi pengarang Fiksi rumaja paling apik saka Mizan Award. Ana rong cerkake kang lumebu sajeroning antologi kumpulan carkak paling apik Majalah Annida: Merajut Cahaya (Pustaka Annida).
- Asma Nadia naté mèlu Pertemuan Sastrawan Nusantara XI ing Brunei Darussalam, workshop kepenulisan novèl kang dianakake Majelis Sastra Asia Tenggara (MASTERA). Saka workshop mau, Asma Nadia bisa ngasilaké novèl kanthi sesirah Derai Sunyi.
- Asma uga anggota ICMI, dhèwèké naté diundang kanggo ngisi acara workshop kepenulisan kang dianakake ICMI orsat Cairo.[3]
Karier
[besut | besut sumber]Saliyané nulis, Asma Nadia uga:
- Dadi pranatacara ing acara islami.[1]
- Direktur Yeyasan Prakasa Insan Mandiri (Prima).[1]
- Nganakake paket kagiyatan kanggo bocah saka Prime Kids lan mènèhi kursus basa Inggris.[1]
- Asma asring dijaluki kanggo mènèhi materi sajeroning loka karya ing jero utawa luar nagari. Terakhir dhèwèké kliling Éropah sawisé éntuk undangan writers in residence saka Le Chateau de Lavigny (Agustus-September 2009), Nadia uga diundang kanggo ngisi workshop lan dialog kepenulisan ing PTRI Jenewa, Masjid Al Falah Berlin, KBRI Roma, Manchester (sajeroning acara KIBAR Gathering), lan Newcastle.[1]
- Dhèwèké uga komandan Forum Lingkar Pena.[5]
- Ketua Yeyasan Lingkar Pena.[5]
- Manajer Lingkar Pena Publishing House.[5]
Karya
[besut | besut sumber]Cerkak-cerkak karyané Asma Nadia: Lentera (An-Najah, 1999)), serial Aisyah Putri I-4 (Asy Syaamil), buku fabel Ola si Koala (Asy Syaamil), Titian Pelangi (Mizan), Hari-Hari Cinta Tiara (Mizan), Kepak Sayap Patah (FBA Press), Dialog Dua Layar (Mizan), Pelangi Menari (Asy Syaamil), Cinta Tak Pernah Menari (Gramedia Pustaka Utama).[3] Novèlé antarané: Serenada Biru Dinda (Asy Syaamil), Pesantren Impian (Asy Syaamil), Derai Sunyi (Mizan), lan Putri di Antara Peri Cantik (Lingkar Pena Publising).[3]
Novèl terakhir judhule Rumah Tanpa Jendela, ya iku saka carkak Rumah Rara kang dikembangake banjur didadèkaké filem taun 2011. Buku-buku Asma uga wis diterjemahke sajeroning basa luar. Salah sijiné buku Emak Ingin Naik Haji diterjemahke sajeroning basa India.[6]
Sosial
[besut | besut sumber]Wiwit taun 2009, Nadia ngrintis pangecapan dhéwé ya iku Asma Nadia Publishing House. Salah siji buku kang diterbitke wis lumebu layar lebar, judhule Emak Ingin Naik Haji. Kabèh royalti saka buku mau diwènèhake kanggo mbantu minangka impen wong kang péngin tumuju tanah suci nanging kurang mampu.[1]
Saka Yeyasan Asma Nadia, Nadia ngrintis RumahBaca AsmaNadia RBA), omah prasaja kanggo maca lan aktivitas kanggo bocah lan rumaja kurang mampu. RBA ana ing Jakarta, Gresik, Bogor, Balikpapan, Pekanbaru, Jogja,lan liyané.[1]
Penerbit Mizan
[besut | besut sumber]Asma wis nulis 40 buku ing antarané diterbitke déning Penerbit Mizan, ya iku:
- Derai Sunyi, novèl, éntuk pangaji-aji Majelis Sastra Asia Tenggara (MASTERA)
- Preh (A Waiting), naskah drama 3 basa, diterbitke déning Dewan Kesenian Jakarta
- Cinta Tak Pernah Menar, kumpulan carkak, éntuk Pena Award
- Rembulan di Mata Ibu (2001), novèl, éntuk pangaji-aji Adikarya IKAPI
- Dialog Dua Layar, éntuk pangaji-aji Adikarya IKAPI, 2002
- 101 Dating éntuk pangaji-aji Adikarya IKAPI, 2005
- Jangan Jadi Muslimah Nyebelin!, nonfiksi, best seller.
- Emak Ingin Naik Haji: Cinta Hingga Ke Tanah Suci(As maNadia
Publishing House)
- Jilbab Traveler (AsmaNadia Publishing House)
- Muhasabah Cinta Seorang Istri
- Catatan hati bunda.[1]
Karya-karya kang ditulis karo juru nulis liya
[besut | besut sumber]Kajaba nulis dhéwé, Asma Nadia uga nulis buku karo juru nulis liya.[1]
- Ketika Penulis Jatuh Cinta, Penerbit Lingkar Pena (2005)
- Kisah Kasih dari Negeri Pengantin, Penerbit Lingkar Pena (2005)
- Jilbab Pertamaku, Penerbit Lingkar Pena (2005)
- Miss Right Where R U? Suka Duka dan Tips Jadi Jomblo Beriman, Penerbit Lingkar Pena (2005)
- Jatuh Bangun Cintaku, Penerbit Lingkar Pena (2005)
- Gara-gara Jilbabku, Penerbit Lingkar Pena (2006)
- Galz Please Don’t Cry, Penerbit Lingkar Pena (2006)
- The Real Dezperate Housewives, Penerbit Lingkar Pena (2006)
- Ketika Aa Punikah Lagi, Penerbit Lingkar Pena (2007)
- Karenamu Aku Cemburu, Penerbit Lingkar Pena (2007)
- Catatan Hati di Setiap Sujudku, Penerbit Lingkar Pena (2007)
- Badman: Bidin
- Suparman Pulang Kampung
- Pura-Pura Ninja
- Catatan Hati di Setiap Sujudku (kumpulan tulisan saka mailing list).
Cathetan suku
[besut | besut sumber]- ↑ a b c d e f g h i j k scribd.com, diaksés tanggal 17 Agustus 2011.
- ↑ républika.co.id[pranala mati permanèn], diaksés tanggal 17 Agustus 2011.
- ↑ a b c d e f anggraina.student.umm.ac.id[pranala mati permanèn], diaksés tanggal 17 Agustus 2011.
- ↑ dibawahnaunganjilbab.com[pranala mati permanèn], diaksés tanggal 17 Agustus 2011.
- ↑ a b c dinamikaebooks.com[pranala mati permanèn], diaksés tanggal 17 Agustus 2011.
- ↑ salimah.or.id[pranala mati permanèn], diaksés tanggal 17 Agustus 2011.