Andre Taulany

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Andre Taulany
Andre Taulany.jpg
Lair Andre Taulany
Pakaryan Aktor
Pelawak
Penyanyi
Bojo Rien Wartia Trigina
Anak Ardio Raihansyah Taulany
Arkenzy Salmansyah Taulany
Wong tuwa Robby Haumahu &
Rasidah Hanum Hasibuan

Andre Taulany kang akrab diundang Andre (lair ing kutha Jakarta tanggal 17 September taun 1974)[1] ya iku penyanyi, juru main filem lan pelawak Indonésia.[2][3] Dhèwèké putrane Bapak Robby Haumahu lan Ibu Rasidah Hanum Hasibuan. Wiwit gabung karo grup band Stinky, Andre kondhang kanthi jeneng Andre Stinky.[2]

Andre tau duwé gayutan kang raket karo pirang-pirang wanadya, kaya ta Linda Rachman, Indah Ludiana, lan Ayu Pratiwi. Pungkasane Andre nikah karo wanadya kang isih duwé katurunan saka Padang, Rien Wartia Trigina (Erin). Dhèwèké nikah ing tanggal 17 Dhésèmber 2005. Andre lan Erin diparingi putra loro, ya iku Ardio Raihansyah Taulany lan Arkenzy Salmansyah Taulany.

Karir[besut | besut sumber]

Bareng Irwan (bass), Nanno (gitar), Edy (drum) lan Ndang (wis metu); Stinky wis nduwé 8 album The Best Of Stinky lan Love Song Of Stinky.[2] Album paling anyar kang temané Pecinta Sejati dibabarake tanggal 19 Mèi 2007.[2] Kaya album kang wis-wis, grup band kang kang tau éntuk penjualan 1 juta kopi liwat hits Mungkinkah lan Jangan Tutup Dirimu, ing album iku uga isih nganggo tema cinta.[2]

Banjur Andre metu saka grup band Stinky kang wis nggawé kondhang dhèwèké, lan nyoba solo karir. Lelagon kang wis rinipta ya iku Cintailah Istanaku kang uga dadi OST Sinetron Akulah Arjunaku.[2] Saliyané nyanyi lan main musik, Andre uga njajal akting.[2] Andre main ing filem Kiamat Sudah Dekat (2003) lan Cerita Cinta (2001). Saliyané iku, Andre uga tau main ing acara komedi Betawi Ngelenong Yukk.

Jeneng Andre Taulany minangka komedian sansaya misuwur wiwit dhèwèké mèlu main ing acara komedi kang dibabarake ing salah siji TV swasta, Opera Van Java. Ing acara iku, Andre asring kadhapuk dadi peran utama, kaya déné pangeran utawa wong lanang kang bagus rupané.

Ing OVJ (Opera Van Java), Andre main karo bintang-bintang komedi kang misuwur, kaya ta Azis Gagap, Sule, Parto, Nunung, lan bintang tamu kang akèh. Acara iki bisa sukses banget nganti bisa ndadèkaké bintange dadi sugih dhadhakan, kanthi tawaran iklan, program televisi, lan sapanunggalane.

Sawisé misuwur kanthi aktinge, ing sasi Agustus 2010, Andre ngandharake yèn dhèwèké ncalon dadi wakil walikota Tangerang Selatan bebarengan karo Arsid. Parté-parté polotik kang awèh panyengkuyung ya iku Hanura, PPP, lan PBB.[4] Andre ndhaku siyap mundur saka artis yèn kepilih dadi wakil walikota.[5][6][7]

Sinetron[besut | besut sumber]

  • Cerita Cinta
  • Kiamat Sudah Dekat
  • Terang Milikku Juga
  • Hidayah

Filmografi[besut | besut sumber]

Acara Komedi[besut | besut sumber]

Cathetan suku[besut | besut sumber]

  1. a b c profilbiodata.com
  2. a b c d e f g kapanlagi.com
  3. www.lintas.me
  4. Andre berita.liputan6.com
  5. celebrity.okezone.com Andre Taulany siyap mundur dari Opera Van Java
  6. www.suarapembaruan.com Andre Taulany Resmi Jadi Calon Wakil Walikota Tangsel
  7. kampungtki.com Calon Wakil Walikota, Andre Taulany Sering Diintimidasi dan Diteror