Andre Hehanussa

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Andre Hehanussa.

Andre Hehanussa (lair ing Ujung Pandang, Sulawesi, 21 Juli 1964; umur 54 taun)[1] iku sawijining penyanyi Indonésia. Dhèwèké palakrama karo sawijining wanita saka Acèh kang jenengé Cut Rizky Teo nalika tanggal 8 Agustus taun 1995.[1] Kekaroné dikaruniai anak lanang.[1]

Karir[besut | besut sumber]

Andre miwiti kariré ing donya musik dadi penyanyi nalika taun 1987 lan nggabung ing grup musik Katara Singers kawit taun 1991.[1] Tembangan légendaris Andre kaya ta tembangan kang judhulé Kuta Bali lan Bidadari. Ora namung iku, dhèwèké uga dadi pangripta tembangan kanggo para penyanyi liyané ing tanah air.[1] Andre uga tau nglakoni duet karo penyanyi donya ya iku Julio Igelias, malah bisa ngerilis tembangan.[1]

Nalika nglakoni kariré, priya kang uga ngluncuraké album kang dijudhuli LIVING IN HARMONY iki uga tau mainaké paraga ing sinétron kang judhulé PERKAWINAN, bebarengan karo aktor kondhang Primus Yustisio lan Jeremy Thomas.[1] Casting sinétron mau diwènèhaké marang dhèwèké saka Harry Capri prodhuser Persari Film.[1]

Kapedhulian Andre kang uga dadi Duta Kelautan ing lingkungan dibuktèkaké karo ngerilis album kang mbahas babagan lingkungan.[1] Album kang jeneng titelé TERUMBU KARANG diluncuraké nalika taun 2009 iki isiné 10 single.[1]

Juli 2011, para pangripta Legend Song gawé proyèk anyar.[2] Saliyané dhèwèké antarané Adjie Soetama, KLA Project, Memes, Ikang Fawzi, lan pangripta liyané.[2] Nanging tetembangan mau dilakoni kanggo ngurusi Ring Back Tone (RBT), amarga cah énoman saiki luwih seneng karo RBT.[2] Proyèk mau lagi dilakoni karo sakaliyan nindakaké audhisi kanggo nggolèki para penyanyi anyar kanggo nembangaké tetembangan kang wis diripta.[2]

Cathetan sikil[besut | besut sumber]

  1. a b c d e f g h i j biografi Andre Hehanusa diunduh tanggal 7 September 2011
  2. a b c d berita para pencipta legend song diunduh tanggal 7 September 2011