Ampyang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
ampyang jawa

Ampyang inggih punika kalebet salah satunggaling nyamikan khas Jawa ingkang dipundamel saking kacang dipuncampur gula jawa.[1] Raosipun ampyang punika legi, tur gurih. Ingkang damel ampyang kraos éco punika jae ingkang minangka salah satunggaling bahan dhasar damel ampyang. Kanthi wontenipun jaé, tiyang ingkang dhahar ampyang badhé langkung anget badanipun saéngga saged damel badan pribadi langkung saras. Ampyang punika dhedhaharan ingkang prasaja sanget cara damelipun. Nanging sajatosipun supados raosipun ampyang punika saged manis lan éco, kacangipun gurih, saha gula nipun boten gosong dipunbetahaken kathah gladhi masak ampyang punika. Kanggé resèpipun punika ngginakaken takeran kira-kira. Nanging ugi wonten ingkang ngginakaken bahan-bahan kanthi takeran ingkang sampun dipunukur, kados perbandinganipun 1:1 utawi 2:1, sadayanipun miturut pamanggih ilat saben tiyang ingkang damel. Sampun kesupen dipunsukani sarem. Wonten ing resèp sanèsipun wonten ingkang boten ngginakaken toya saha gendhis pasir minangka bahan tambahanipun. Samangké manawi resèp punika dipundamel badhé ngasilaken ampyang kanthi raos gendhis aren ingkang langkung legit saha kacang kanthi langkung renyah. Jinising ampyang ingkang dipunsadé wonten ing kathah toko sak punika langkung manéka warna. Wonten ingkang dipundamel saking kacang brol, kacang mete, ugi supados langkung narik kawigatosan wonten ingkang dipundamel saking coklat.

Bahan-bahanipun[besut | besut sumber]

Bahan-bahan ingkang dipun-ginakaken kanggé damel ampyang inggih punika kados makaten:[2]

Caranipun damel[besut | besut sumber]

  1. Kacang brol dipungongso ngantos mateng, lajeng dipunangkat lan dipunpisah.
  2. Gendhis pasir, gula jawa, lan kacang brol dipungongso ngantos mateng, dipunangkat, lajeng dipunsisihaken.
  3. Masak gendhis pasir, gendhis jawi, toya, lan jae ing wajan,kanthi geni ingkang alit.
  4. Masak dumugi gulanipun kenthel.
  5. Lebetaken kacang brol, dipuncampur ngantos rata.
  6. Sukani 1 sdm adhonan gendhis kacang ing ngandhap tampah.
  7. Manawi sampun garing lan atos, dipunpisahaken saking papanipun.
  8. Simpen ing papan ingkang garing saha kirang hawa.

Tips Damelipun[besut | besut sumber]

  • Supados kacang ingkang dipunpanggang langkung renyah, langkung rata matengipun tinimbang kacang ingkang namung dipungongso, caranipun inggih kanthi kacang dipunpanggang boten pareng kematengen utawi taksih mentah. Titikanipun inggih manawi kulit kacang sampun éwah werninipun radi coklat nanging boten gosong, lajeng kacang sampun mekrok, saha manawi dipundhahar kacang sampun kraos renyah.
  • Sadèrèngipun dipuncairaken, gendhis arèn kedah dipuniris-iris alus langkung rumiyin supados boten wonten gendhis ingkang taksih awujud bongkokan ingkang dèrèng nyair nalika dipunmasak.
  • Suhu gendhis nika dipunpanasaken punika gadhah pangaribawa sanger dhateng raosipun ampyang samangke. Manawi anggènipun nggongso gendhis kegosongen, raosipun badhé pait. Nanging manawi gendhis ingkang dipunmasak dèrèng nyair sadaya, raosipun kirang mantep.
  • Langkung saé manawi ngginakaken panci ingkang dhasaripun kandel supados geni langkung ngrata lan saged nyebar ing sadaya pérangan panci, saéngga gendhis karamel ingkang dipunmasak langkung rata ugi anggènipun nyair.

Cathetan suku[besut | besut sumber]

  1. [1] Resep Ampyang: Kue dari Gula Merah | Resep Masakan Komplit (dipunundhuh tanggal 17 Dhésèmber 2012)
  2. [2] Resep Ampyang kacang tanah (dipunundhuh tanggal 17 Dhésèmber 2012)