Ahmed Yassin

Saka Wikipédia Jawa, bauwarna bébas abasa Jawa

Sheikh Ahmed Yassin (Basa Arab: الشيخ أحمد ياسين) iku pangadeg Gerakan Panglawan Islami Hamas sarta sayap militèr lan dinas keamanane. Dhèwèké sawijining simbul perlawanan uga guru para mujahid Palestina. Sanajan lumpuh lan kabèh uripé diblenggu déning terali wesi, nanging dhèwèké wong kang kalebu penggerak yasa donya lan mukmin kang merdheka.

Sawijining kolomnis saka Mesir Dr. Kamal al Mishri mratélakaké Syaikh Yasin dadi Al ‘Aqid Alladzi Aqama al ‘Alam (tegesé "wong lumpuh kang yasa donya").[1] Dhèwèké mung wong lanang lumpuh kang yasa ide perlawanan lan dadi Amir (pamimpin) para mujahidin Palestina.

Lair[besut | besut sumber]

Sheikh Ahmed Yassin lair taun 1938 ing désa Al-Jora, daerah Majdal ing wewengkon Asqalan (Ashkelon). Dhèwèké gedhé ing kana nganti taun 1948 nalika pendudukan Yahudi tumuju bumi Palestina, dhèwèké lan kulawargane dipeksa pindhah ing Lurung Gaza.[2]

Kulawarga[besut | besut sumber]

Ahmad Yasin cilik biyasa diundang (kuniyah) Abu Sa’dah, dinisbatke saka ibuke Sa’dah Abdullah al Hubail, kanggo mbedakake jeneng amarga saking akèhé jeneng Ahmad ing kulawarga Yasin. Sa’dah ya iku wong kang mulya, sabar, lan penuh keyakinan, kalebu wong wadon kajèn ing désa mau. Bapaké Ahmad Yasin jenenge Ismail Yasin, wong kajèn ing dhesane. Kulawargane kalebu kulawarga kang sarwa cukupan. Ismail sedo nalika Ahmad isih cilik banget durung genep 3 taun, ninggal kulawarga kang akèhé 11 wong. Ahmad Yasin iku anak ketelu antarané 4 bocah lanang ing kulawarga Ismail.[3]

Pendhidhikan[besut | besut sumber]

Nalika sekolah, dhèwèké kalebu murid kang paling ditresnani guruné amarga kapinterane ing wulangan. Dhèwèké uga ahli sukan kang aktif nalika jaman sekolahé. Syeikh ngalnjutaken sinaune ing sekolah kamp pengungsi lan ngrampungaké ing studine ing tingkat dhasar lan persiapan taun 1955, banjur ngrampungaké Sekolah Menengah Palestina kang dadi sekolah paling apik ing Lurung Gaza. Suasana pulitik ing Lurung Gaza kang lagi rame, mliginé ing panggonane sekolah kang kaloka Sekolah Menengah Umum – mau taujihy.[4]

Karier[besut | besut sumber]

  1. Sheikh Ahmed Yassin dadi guru Basa Arab lan Tarbiyah Islamiyah, banjur dadi khatib lan guru ing masjid-masjid Gaza.
  2. Ing jaman penjajahan, dhèwèké dadi khatib paling populèr ing kalangan masarakat Lurung Gaza amarga kuwate argumen lan kewanenane njunjung al haq (kabeneran).
  3. Dadi ketua perhimpunan Islam ing Lurung Gaza
  4. Taun 1983, Syaikh Ahmad Yasin ditangkep rezim Imperialis Israèl saka tuduhan duwé senjata, nggawe wadyabala militèr lan ngongkon ngilangake eksistensi nagara Yahudi, dhèwèké diadhepake ing mahkamah militèr Israèl uga divonis 13 taun kunjara.
  5. Taun 1985, dhèwèké dibebasake amarga ana pertukaran tahanan saka pihak rezim Imperialis Israèl karo PFLL (Front Rakyat kanggo Pembebasan Palestina) – Pimpinan Umum, sakbubare 11 wulan dikunjara.
  6. Taun 1987 dhèwèké karo aktivis perlawanan Islam (islamiyun) Palestina, ngedhegake organisasi perlawanan, Gerakan Perlawanan Islam “Hamas” – Palestina, ing Jalur Gaza.
  7. Akhir wulan Agustus 1988, militèr Imperialis Israèl nyerang umahe dhèwèké ing Gaza, nggledhah, lan ngancem bakal mbuwang dhèwèké saka kursi rodha kang saben dina dilungguhi ing Libanon.
  8. Ing wayah wengi tanggal 17 Mèi 1989, rezim Imperialis Israèl nangkep Syaikh Ahmad Yasin karo atusan aktivis Gerakan Hamas, kanggo ngendhegi perlawanan bersenjata kang ana wektu iku nalika njupuk serangan kanthi migunakaké as silah al abyadh (senjata putih), ya iku saliyané senjata geni tumrap serdadu-serdadu Israèl, warga Yahudi sarta penculikan tumrap agen-agen Israèl.
  9. Tanggal 16 Oktober 1991, mahkamah militèr Imperialis Israèl ngetokake putusan kanthi mènèhi vonis Syaikh Ahmad Yasin rupa kunjara saumur urip ditambah 15 taun, sakbubare diwènèhi 9 pratélan tuduhan. Ing antarané ya iku seruan (provokasi) penculikan lan patenan tumrap serdadu-serdadu Imperialis Israèl, ngadhegake Gerakan Hamas sarta sayap militèr lan dinas keamanane.

Nalika taksih enom, dhèwèké naté kacilakan nalika lagi aktivitas kang \bnjalari\b dhèwèké lumpuh ing sikile. Saliyané iku Syaikh Ahmad Yasin uga duwé lelara liya, kaya ta wuta ing mripat kiwa, lan lemah pandelengan ing mripat tengen amarga disiksa wektu penyidikan, radang kuping cukup kronis, alergi paru-paru, lan lelara uga radang jero lan usus. Kondisi kang ala mau dialami Syaikh Ahmad Yasin \bnjalari\b mudhun kondisi keséhatane, sahinggga kudu dipindahke ing rumah sakit.

Ukara bersejarah[besut | besut sumber]

Syeikh Ahmad Yasin ninggal ukara bersejarah kanggo rakyat Palestina kang ora bakal dilalekake, “Kowe aja padha ngutuk peteng ping sewu, saben kita nguripake lilin kanggo madhangi dalan wong liya." Dhèwèké nemoni kesyahidan sambi ngomong, “Kekarepanku ya iku Allah ngridhai aku.” [5]

Cathetan sikil[besut | besut sumber]

  1. ^ [1], diaksés tanggal 12 Juli 2011.
  2. ^ [2], diaksés tanggal 12 Juli 2011.
  3. ^ [3], diaksés tanggal 12 Juli 2011.
  4. ^ [4], diaksés tanggal 11 Juli 2011.
  5. ^ [5], diaksés tanggal 12 Juli 2011.