Ags. Arya Dipayana
Agung Setiadji bin Darjono Hadjiwidjojo utawi Ags. Arya Dipayana (lair ing Tulungagung, Jawa Timur, 29 April 1961 – pati ing Jakarta, 1 Maret 2011 ing umur 49 taun) inggih punika salah satunggalipun seniman saking Indonesia. Namanipun misuwur minangka seniman téater, panggurit lan panganggit carita cekak ingkang kamot ing sawenè ariwarta lan kalawarta. Ags. Arya Dipayana salah satunnggalipun panampi pangaji Hibah Seni saking Yayasan Kelola.[1][2][3][4]
Riwayat
[besut | besut sumber]Ags. Arya Dipayana lair ing Kabupatèn Tulungagung, Jawa Wétan, 29 April 1961. Miwiti kiprah kesenian nalika taksih wonten sekolah menengah kanthi nyerat carita cekak lan geguritan. Ngrampungaken pawiyatanipun ing Jurusan Sastra Prancis, Fakultas Sastra, Universitas Indonesia. Piyambakipun naté nyambut damel minangka redhaktur tamu ing kalawarta Hai lan Zaman, lan sapérang biro iklan. Karyanipun kathah ingkang dimot ing ariwarta kados ta Majalah Hai, Suara Pembaruan, Zaman, Majalah Matra lan sanèsipun. Taun 1976 piyambakipun miwiti kiprah ing donyanipun téater, ngedekaken Teater Egg (sapunika Teater Tetas) taun 1978. Awit taun 1985 nyerat lakon drama kanggé sapérang pagelaran. Buku geguritanipun ingkang naté dibabar, inggih punika Sajak Pejalan Kaki, Tiga Cermin Kecil (Kumpulan Bertiga), lan Sehingga Kabut (Kumpulan Tunggal). Sawenèh geguritanipun dipundadosaken lagu déning Dwiki Dharmawan, kalantunaken déning Novia Kolopaking, Reda Gaudiamo, lan sanèsipun.
Ags. Arya Dipayana ugi aktif dados sutradara pagelaran-pagelaran Teater Tetas. Lakon drama ingkang diserat antawisipun Wisanggeni Berkelebat, Seorang Anak Menangis, Palaganada: Dari Negeri Cinta, Jejak Surga, lan Julung Sungsang dan Raung Kuda Piatu (2009). Ags. Arya Dipayana tilar donya ing tanggal 1 Maret 2011, antawisipun jam 22:30 WIB, nalika saweg ngrawuhi lokakarya téater ing Purwakarta, Jawa Barat minangka pawicara. Jenazah dipunsarèkaken ing TPU Jeruk Purut, Jakarta Selatan.
Geguritan
[besut | besut sumber]- Pejalan Kaki
- Tiga Cermin Kecil (Kumpulan Bertiga)
- Sehingga Kabut (Kumpulan Tunggal)
Lakon sandiwara
[besut | besut sumber]- Wisanggeni Berkelebat
- Dari Seberang Cuaca (terdiri dari empat naskah pendek)
- Seorang Anak Menangis
- Palaganada-Di Negeri Cinta
- Jejak Surga
- Julung Sungsang
- Republik Anturium
- Raung Kuda Piatu
- Durna Rumangsa
- World In My Feet
- Questioning Ekalaya
- Kotak Sendiri (sinétron)
Ugi pirsani
[besut | besut sumber]Rujukan
[besut | besut sumber]- ↑ Situs resmi Taman Ismail Marzuki Archived 2015-09-24 at the Wayback Machine., diakses 26 Mèi 2015
- ↑ Festival Bulungan Archived 2015-05-26 at the Wayback Machine., diakses 26 Mèi 2015
- ↑ Situs resmi Yayasan Kelola, diakses 26 Mèi 2015
- ↑ News Detik: Dari Puisi Menjadi Musik dan Komik Archived 2015-04-16 at the Wayback Machine., diakses 26 Mèi 2015
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |