Novia Kolopaking
Novia Kolopaking (lair ing Bandung, Jawa Barat, 9 Novèmber 1972; umur 52 taun) ya iku salah sijiné seniman kang asalé saka Indonesia.[1] Novia Kolopaking akèh nduwéni kiprah ing babagan sastra, khususé geguritan.[1] Saliyané seniman, Novia uga main drama lan filem.[1] Novia uga nduwéni kabisan olah vokal utawa nyanyi.[1]
Karir
[besut | besut sumber]Nalika isih bocah, jeneng Novia Kolopaking wis dikenal liwat majalah-majalah anak-anak lan pentas ing panggung, Novia Kolopaking pentas nyanyi apa déné main sandiwara utawa drama.[1] Nanging jeneng Novia Kolopaking wiwit misuwur lan dikenal ing pentas seni nasional nalika dhèwèké main dadi Emak ing filem serial kang disiyaraké ing tivi.[1] Film iki judhulé Kulawarga Cemara. Saliyané iku kang nggawé jeneng Novia Kolopaking sangsaya misuwur ya iku Novia uga main filem ing filem tivi kang judhulé Siti Nurbaya.[1] Sanajan ora akèh sing ngerti, Novia Kolopaking uga tau ngisi swara ing sandiwara radiyo kang judhule Saur Sepuh. Ing sandiwara radio iki, Novia dadi paraga Dewi Anjani.[1]
Ing donyaning nyanyi, Novia Kolopaking uga misuwur kanthi nyanyékaké hit populer kaya ta lagu kang judhule Kembali, Untukmu Segalanya, Dengan Menyebut Nama Allah, lan lagu daur ulang kang judhule Bunga Mawar.[1] Sawisé vakum ora main sinétron suwéné wolung taun, ibu tiri vokalis Letto kang jenengé Noe iki main manèh ing sinétron kang duwé téma religi.[2] Sinetron iki judhule Rinduku Cintamu kang disiyarake taun (2008).[2]
Kulawarga
[besut | besut sumber]Novia Kolopaking nikah tanggal 22 Maret 1997.[3] Novia nikah karo Emha Ainun Nadjib lan nduwé anak kang cacahé papat saka pernikahan iki.[1] Sanajan jarang ngétok ing pentas nasional, Novia kerep ngancani kalompok Kiai Kanjeng nekani pangngonan-panggonan kang ana ing Indonesia lan ing donya.[3]
Album
[besut | besut sumber]Album kang digawé Novia Kolopaking.[1]
- Kembali (1992)
- Biar Kusimpan Rinduku
- Untukmu Segalanya (1994)
- Dengan Menyebut Nama Allah
- Aku Selalu Cinta (Single)
- Cinta (1999)
- Bunga Mawar (Single)
- Asmara (1997)
Sinetron
[besut | besut sumber]Sinetron kang dibintangi Novia Kolopaking.[1]
- Sitty Nurbaya (TVRI, 1990-1991)
- Kulawarga Cemara (RCTI, 1996-2002) / prod. Atmochademas Persada
- 1 Kakak 7 Ponakan (RCTI, 1996)
- Darah Biru (Indosiar, 1995) / prod. Visindo
Filmografi
[besut | besut sumber]Film kang dibintangi Novia Kolopaking.[1]
- Brahma Manggala (1988)
- Perempuan Kedua (1990)
Cathetan suku
[besut | besut sumber]- ↑ a b c d e f g h i j k l m Profil Archived 2010-05-04 at the Wayback Machine. ing [KapanLagi.com](dipunundhuh tanggal 8 Juli 2011)
- ↑ a b Novia Kolopaking Kembali Terjuni Dunia Akting(dipunundhuh tanggal 8 Juli 2011)
- ↑ a b SOSOK-TOKOH - Suami Tetap Izinkan Akting - Novia Kolopaking Archived 2007-09-27 at the Wayback Machine.(dipunundhuh tanggal 8 Juli 2011)