Tongseng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tongseng
Tongseng Dish.jpg
Tongseng
Informasi
Asal Indonesia
Dhaérah Jogjakarta, Solo, Jawa Tengah
Penyajian lan bahan
Tahapan Hidangan Utama
Disajèkaké Panas
Bahan Daging wedhus, lobis, tomat, brambang, bawang, kuah gule, kecap manis, mrica
Variasi Tongseng berkuah

Tongseng inggih punika salah satunggaling dhedhaharan ingkang bahan dhasaripun daging wedhus. Tongsèng punika wujudipun kados gule ananging kanthi bumbu ingkang langkung mantep raosipun. Bedanipun tongseng kaliyan gulé, ugi saged dipun tingali saking daging ingkang dipun ginakaken. Punika bedanipun tongseng saha gule ingkang langkung cetha. Menawi tongseng punika daging ingkang dipun ginakaken inggih daging ingkang taksih nèmplek wonten ing balungipun menda, mliginipun balung ing bagéyan iga saha balung sisih wingking. Padatanipun, daging ingkang dipun mangsak punika ngginakaken daging wedhus, ananging ugi wonten ingkang ngginakaken daging sapi utawi kebo. Ingkang njangkepi tongseng piyambak inggih punika duduhipun tongseng. Padatanipun, ing salebeting duduh tongsèng punika dipun lebetaken sapérangan janganan kados ta lobis, bawang, brambang, tomat, saha kecap. Dene bahan-bahan kangge bumbu oseng-osengipun inggih punika campuran uyah, bawang, kecap, saha lada.

Bahan-bahanipun[sunting | sunting sumber]

Bahan-bahan ingkang dipun betahaken kanggé damel tongseng daging menda inggih kados mekaten: [1]

  • 500 gram daging menda lajeng dipun iris-iris wujud dadu uuranipun kirang langkung 2x3 centimeter, lajeng dipun godhog setengah mateng
  • 150 gram kol, dipun bucal balungipun, lajeng dipun iris kasar
  • 6 iji brambang dipun iris tipis-tipis
  • 3 iji bwang putih dipun iris tipis
  • 4 iji lombok abang dipun iris alit-alit
  • 1 cendhok teh lada bubuk
  • 5 sdm kecap manis
  • 1 iji jeruk nipis, dipun peres dipun pendhet toyanipun
  • 2 sdt uyah
  • sdt gula psir
  • 70 ml toya
  • 2 lembar ron salam kangge campuran nggodhog daging ménda
  • 2 cm jahe lajeng dipun geprak, dipun ginakaken ugi kangge campuran nggodhog daging
  • 1.500 ml santen saking 1 wutir kambil
  • 1/2 nyari laos dipun geprak
  • 1 watanng sereh dipun geprak ugi
  • 2 lembar ron salam kangge bumbu masak
  • 4 cendhok lisah klentik kangge nggongso

Dene bahan ingkang dados pelengkap menawi tongseng wedhus sampun mateng inggih punika brambang goreng Lan bahan-bahan ingkang dipun betahaken kangge bumbu alusipun inggih kados mekaten:

  • 4 iji bawang putih
  • 6 iji brambang
  • 1 cendhok teh mrica
  • 3 cm kunir dipun bakar rumiyin sak derengipun dipun uleg
  • 3 1/2 cendhok teh sarem
  • 1 cendhok makan gula pasir
  • 2 cm jahe
  • 1 cendho teh ketumbar

Caranipun damel[sunting | sunting sumber]

Caranipun damel tongseng inggih sejatosipun gampil, inggih punika kados mekaten: [2]

  1. Daging wedhus, ron salam, jahe, saha toya dipun godhog ngantos daging wedhusipun empuk
  2. Menawi sampun radi empuk, dagingipun dipun angkat lajeng toyanipun dipun bucal, lajeng daging menda kala wau saged dipun iris-iris kanthi ukuran 2x3 cm.
  3. Bawang putih, brambang, ron salam, laos, sereh, bumbu alus, lombok rawit abrit, dipun gongso ngantus medal ganda arumipun lan sedaya bumbunipun sampun saestu mateng
  4. Salajengipun daging menda saged dipun lebetaken dipunsukani kecap manis saha santen, lajeng dipun godhog ngantos umub kanthi asring dipun udhak supados santenipun boten pecah lan sedaya bumbunipun sageed ngresep wonten dagingipun
  5. Menawi sampun umub lan mateng dagingipun, lajeng saged dipun sukani lobis, ron bawang, tomat, saha irisan lombok
  6. Tongseng daging menda sampun samekta dipun sajekaken nalika taksih benter.

Cathetan Suku[sunting | sunting sumber]

  1. ^ (id)[[1]] Tongseng Kambing (dipunundhuh tanggal 3 Januari 2013)
  2. ^ (id)[[2]] Resep Tongseng (dipunundhuh tanggal 3 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Tongseng&oldid=834586"