Siad Barre

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Siad Barre
Siad Barre

Mangsa jabatan
21 Oktober 1969 – 26 Januari 1991
Pejabat sadurungé Abdirashid Ali Shermarke
Pengganti Ali Mahdi Muhammad

Lair 1919
Flag of Ethiopia.svg Shilabo, Ethiopia
Tilar donya 2 Januari 1995
Flag of Nigeria.svg Lagos, Nigeria
Kabangsan somali
Partai pulitik Partai Sosialis Revolusioner Somali
Pasangan Khadija Maalin and Dalyad Haji Hashi[1]
Agama Islam

Mohamed Siad Barre (basa Somali: Maxamed Siyaad Barre) (1919, Shilabo, Ogaden2 Januari 1995, Lagos, Nigeria) punika Présidhèn Somalia periode 1969 - 1991. Panjenenganipun punika mantan présidhèn ingkang kagungan haluan sosialis lan jejibahanipun minangka komandhan tentara salebetipun pamaréntahan demokratik Somalia.

Karir kamilitèran Barre kawiwitan nalika panjenenganipun nggabung kaliyan kapulisian kolonial Italia. Putra yatim piatu puniki sadèrèngipun gesang sedinten-dintenipun minangka tukang angèn. Sapérangan èlmu kamilitèran dipunsinaoni ing Italia. Panjenenganipun dados Wakil Komandhan Tentara Somalia nalika mardikanipun wilayah kasebat saking Italia taun 1960. Barre nyokong wangun pamaréntahan Marxisme ala Uni Sovyèt sasampunipun interaksi kaliyan kadher-kadher Sovyèt nalika latihan militèr sesarengan nalika awal 1960-an.

Nalika taun 1969, nyusul dumadosipun kakosongan kakuwaosan pasca pamejahan Présidhèn Abdirashid Ali Shermarke, oknum militèr ingkang dipunpimpin déning Barre nglancaraken kudeta. Barre nuli dipunangkat minangka Présidhèn lan mimpin nagari puniku kanggé 22 taun ngajeng. Samangsa pamaréntahanipun, panjenenganipun nyobi mbangun pamujan kepribadian; poster-poster mawi gambar piyambakipun gampil dipuntemoni ing Kitha Mogadishu ing wekdal semanten.

Samangsa Perang Dingin, Uni Sovyèt lan Amérika Sarékat kagungan minat ageng kanggé nguwaosi wilayah Somalia amargi lokasinipun ingkang strategis minangka lawang mlebet nuju Laut Merah. Pamaréntahan Barre awalipun dipunsengkuyung déning Uni Sovyèt, nanging dipunbatalaken taun 1977 nyusul upados Somalia kanggé nganeksasi wilayah Ogaden kagunganipun Ethiopia. AS nggantosaken peran Uni Sovyèt minangka panyengkuyung kiyat pamaréntahan Barre dumugi taun 1989 kanthi maringaken dana ékonomi lan militèr ingkang agengipun ±100 yuta dolar AS per taun.

Dhukungan dhumateng pamaréntahan Barre sacara dhomèstik asalipun saking jalinan antar-etnis lan -suku. Ing pertengahan 1980-an, sapérangan klompok mengsah kasil nguwaosi sebagéyan wilayah, utaminipun ing dhaérah Somalia bagéyan lèr (sapuniki wilayah Somaliland). Barre lajeng nglancaraken sarangkéyan serangan walesan. Miturut lapuran Africa Watch taun 1990, watara 50.000-60.000 tiyang tiwas amargi aksi perlawanan antawis taun 1988 lan 1990. Barre pungkasanipun lèngsèr saking kakuwaosanipun tanggal 26 Januari 1991. Panggantosipun minangka présidhèn inggih punika Ali Mahdi Muhammad dumugi November 1991, nanging pamaréntahan Ali Mahdi piyambak mboten kasil nguwaosi wilayah Somalia sacara èfèktif.

Sasampunipun nilar Mogadishu wulan Januari 1991, Barre netep sauntawis ing wilayah kidul-kilèn ingkang dipunkueaosi mantunipun Mohamed Said Hersi. Barre kaping kalih ngupados mundhut-alih Mogadishu, nanging panjenenganipun kewalahan ngadhepi wadya bala pimpinan Ali Mahdi, lajeng ngasingaken dhiri ing wulan Mei 1992. Pepénginanipun kanggé mapan ing Nairobi, Kenya gagal sasampunipun klompok-klompok oposisi ing mriku mrotès rawuhipun lan langkung nyengkuyung pamaréntah Kenya. Pungkasanipun Barre netep ing Nigeria kalih minggu salajengipun. Tanggal 2 Januari 1995, panjenenganipun tilar donya ing Kitha Lagos amargi serangan jantung. Dhisinipun dipunsarèkaken ing Somalia.


Sing mengku  sadurungé:
Abdirashid Ali Shermarke
Présidhèn Somalia
1969 – 1991
Diganti déning:
Ali Mahdi Muhammad
Didhisiki déning:
Yakubu Gowon
Ketua Uni Afrika
1974-1975
Diganti déning:
Idi Amin


Réferènsi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Siad_Barre&oldid=822819"