Omurice

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Omurice

Omurice (オムライス omurais?) yaiku panganan Jepang arupa sega kang digoreng karo saos tomat lan diungkus endhog goreng omelet. Jeneng panganan iki asale saka tembung omelet lan rice (sega). Ing ndhuwuring omurice padatan diwenehi saos tomat sithik utawa saus demiglace supaya katon luwih apik.

Sega kanggo omurice padatan diwenehi daging pitik, urang, iwak nus, jamur, lan bawang bombay. Chicken rice iku jenengan liya sega kanggo omurice kang nganggo daging pitik lan saos tomat.

Sega omurice ditata ing ndhuwure endhog dadar setengah mateng kang digawe ing wajan, banjur wajan diobahake kayadene arep diwalik, dadi sega bisa kaungkus dening endhog. Omurice kang digawe ing omah-omah padatan nganggo teknik ngungkus sega karo endhog kang luwih gampang yaiku nganggo cara malik wajan ing piring.

Omurice wiwitan digawe kanggo tamu restoran Hokkyokusei ing Namba, Osaka kang lara weteng. Ana uga crita liya kang ngandharake bilih omurice ditemokake luwih ndhisik dening restoran Renga-tei ing Ginza, Tokyo watara abad kaping 19.

Omukare yaiku variasi omurice nganggo duduh kari, dene Omuhayashi yaiku variasi omurice nganggo saos Hayashi rice. Omusoba yaiku Yakisoba kang diungkus omelet.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Omurice&oldid=832485"