Yakisoba

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Yakisoba

Yakisoba [1](ソース焼きそば, sōsu yakisoba, soba goreng saus) iku mi goreng saka [[Jepang [2]kang digawe saka bahan mi, kubis, jejanganan lan daging, ditambahi bumbu saus uster utawa saus yakisoba.

Bahan liyane kang ditambahake ing yakisoba yaiku bawang bombay, wortel, benishōga (acar jahe), tenkasu, urang garing, bubuk katsuobushi, aonori (bisa uga diwenehi nori kang wis dikethok-kethok) lan mayones minangka penyedap. Mrica lan uyah mung dienggo kanggo mbumboni daging sadurunge digoreng.[3]

Sanajan jenenge yakisoba (soba goreng), yakisoba nganggo mi kang wis dikukus mateang saka bahan tepung terigu, lan dudu soba kang digawe kaya mi goreng. Yakisoba bisa didhahar langsung (tanpa diwenehi apa-apa) minangka lawuh.

Yakisoba iku panganan rakyat kang padatan sakabehing panggonan ana sing ngadol Yakisoba ing Jepang. Asale saka mi goreng ala Tionghoa, Chow Mein kang dimathukake karo selera lokal. Panganan iki mulai didol ing pasar gelap sawise Perang Dunia II. Yakisoba banjur akeh didol ing kios-kios panganan lan ombe-omben kang ana ing pante lan misuwur minangka panganan kang didhahar sawise renang. Sabanjure, yakisoba mulai didol ing kios kaki lima nalika ana rame-rame utawa matsuri lan misuwur nganti tekan seprene.

Cathetan Sikil[sunting | sunting sumber]

Commons-logo.svg
Wikimedia Commons gadhah galeri bab:
  1. ^ (en)maruchan.com Yakisoba
  2. ^ (en)japanesefood.about.com Yakisoba
  3. ^ (en)rasamalaysia.com Yakisoba (Japanese Fried Noodles/焼きそば)

Pranala Jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Yakisoba&oldid=832179"