Lembaga Sandi Negara

Saka Wikipédia Jawa, bauwarna mardika basa Jawa
Logo Lemsaneg

Lembaga Sandi Nagara inggih punika salah satunggaling lembaga pamaréntah nonkementerian Indonésia ingkang makaarya ing babagan ngamanaken informasi rahasia nagara. Lembaga Sandi Nagara madeg ing tanggal 4 April 1946. Lembaga punika kaping sepisanan dipunpandhegani déning Mayor Jenderal dr. Roebiono Kertopati, satunggaling dhokter kepresidenan RI wonten ing jaman présidhèn Soekarno. Lembaga Sandi Nagara sapunika dipunpandhegani déning Mayor Jenderal TNI DR. Djoko Setiadi, M.Si.. Lembaga Sandi Nagara utawi manawi dipuntarjamahaken dhateng basa Inggris dados National Crypto Agency inggih punika institusi pamaréntah Républik Indonésia ingkang kanthi resmi dados pengelola persandian lan rahasia nagara. Ing Amérikah Sarékat, badan pamaréntah ingkang nangani tugas intelijen sinyal inggih punika NSA, ingkang cekakak saking National Security Agency. NSA punika sakedhik wonten bedanipun kaliyan CIA, wondene ing CIA punika tugas lan fungsinipun langkung awrat dipuntujokaken dhateng HUMINT (Human Intelligence) utawi intelijen manungsa. Struktur Organisasi Lemsaneg dipuncathet wonten ing lembaran nagara ingkang wujud Dudutan Présidhèn (keppres) RI no. 103 taun 2001. Miturut Keppres punika, Lemsaneg dipunpandhegani déning satunggal kepala Lemsaneg ingkang dipunbiyantu déning tigang tiyang deputi lan satunggal sekretaris ingkang paling baku. Kepala Lemsaneg gadhah tanggel jawab langsung dhateng Présidhèn Indonésia.

Visi lan Misi[1][besut | besut sumber]

Visi[besut | besut sumber]

Visi lembaga sandi nagara inggih punika dados ingkang ngawontenaken lan mbina kanthi piyambak persandian nagara kanggé kupiya njamin keamanan informasi ingkang gadhah klasifikasi kagunganipun pamaréntah utawi nagara saha nyajekaken asiling kajian informasi bersandi kanggé ndhèrèk ugi njagi keamanan nasional.

Misi[besut | besut sumber]

Misi Lembaga Sandi Nagara inggih punika:

  1. nyusun kawicaksanan nasional wonten ing babagan ndamel lan mbina persandian nagara
  2. Ngelola sistem keamanan informasi kanthi klasifikasi kanthi nyangkut sedayanipun ingkang kagunganipun pamaréntah utawi nagara;
  3. Nindakaken kegiyatan intelijen sinyal;
  4. Ngawontenaken rekayasa lan ngrembakakaken tèknologi persandia nasional, lan
  5. Nyamektakaken lan ngoptimalaken sumber daya persandian kanthi prosès pasinaon lan pertumbuhan ingkang dipundhukung kanthi wontenipun manajemen perkantoran kanthi transparan lan akuntabel.

Tugas lan Fungsi[besut | besut sumber]

Kajawi gadhah tugas kanggé njagi informasi rahasia nagara, Lembaga Sandi Nagara ugi gadhah tugas sanèsipun inggih punika pikantuk informasi saking analisis informasi rahasia pihak asingg.[2] Informasi kasebat dipunpikantuk kanthi ngawontenaken kegiyatan intelijen sinyal. Kegiyatan pados informasi asing kasebat inggih salah satunggaling péranganing lampahing salah satunggaling fungsi intelijen, inggih punika fungsi panyelidhikan. Kanthi makaten, saged dipunmangertosi bbilih Lemsaneg gadhah kalih misi ingkang baku, inggih punika njamin keamanan informasi lan intelijen sinyal. Kalih misi kasebat ugi jumbuh lan cocog kaliyan sapérangan nagara asing, kados Amérikah Sarékat kanthi NSA-nipun, Inggris kanthi GCHQ-nipun, lan Australia kanthi DSd-nipun. Kangge nindakaken tugasipun, Lemsaneg ngawontenaken fungsi ingkang kados makaten:[3]

  1. Ndhudhah lan nyusun kawicaksanan nasional ing babagan persandhian
  2. Ngawontenaken koordinasi kegiyatan fungsional kanggé lampahing tugas Lemsaneg;
  3. Ngawontenaken fasilitas lan pembinaan wonten ing kegiyatan instansi pamaréntah ing babagan persandinan
  4. Ngawontenaken pembinaan pelayanan administrasi umum ing babagan perencanaan umum, ketatausahan, organisasi lan tata laksana, kepegawaian, kauangan, kearsipan, hukum, persandian, perlengkapan lan rumah tangga.

Struktur Organisasi[besut | besut sumber]

  • Kepala
  • Sekretariat utama
  • STSN
  • Pusdiklat
  • Inspektorat
  • Deputi babagan pembinaan lan pengendalian persandian
  • Deputi babagan pengamanan persandian
  • Deputi babagan pengkajian persandian

Kepala[besut | besut sumber]

Para Kepala Lemsaneg ingkang sampun naté njabat inggih punika kados makaten:

  1. Mayor Jenderal TNI (purn) dr. Roebiono Kertopati: 1946–1984 (pendiri)
  2. Laksamana Muda TNI (purn) Soebardo: 1986–1998
  3. Laksanama Muda TNI (purn) B.O. Hutagalung: 1998–2002
  4. Mayor Jenderal TNI H. Nachrowi Ramli, SE: 2002–2008
  5. Mayor Jenderal TNI Wirjono Budiharso, SIP: 2009–2011
  6. Mayor Jenderal TNI DR. Djoko Setiadi, M.Si.: 2011–2017

Uga delengen[besut | besut sumber]

Cathetan suku[besut | besut sumber]

  1. VISI DAN MISI Archived 2013-02-05 at the Wayback Machine. (dipunundhuh tanggal 2 Pebruari 2013)
  2. SEKRETARIAT UTAMA Archived 2013-01-16 at the Wayback Machine. (dipunundhuh tanggal 2 Pebruari 2013)
  3. TUGAS DAN FUNGSI Archived 2013-01-14 at the Wayback Machine. (dipunundhuh tanggal 2 Pebruari 2013)