Lembaga Ilmu Pengetahuan Indonesia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lembaga Ilmu Pengetahuan Indonesia

Lembaga Ilmu Pengetahuan Indonesia (dicekak LIPI) iku sawijining Lembaga Pemerintah Non Departemen Republik Indonesia sing dikoordinasèkaké déning Kamentrian Negara Riset lan Teknologi.

Sajarah[sunting | sunting sumber]

Kagiatan ilmiah ing Indonesia diwiwiti ing abad kaping-16 déning Jacob Bontius, sing nyinaoni flora Indonesia lan Rompius kanthi karyané sing misuwur Herbarium Amboinese. Ing pungkasan abad kaping-18 dibentuk Bataviaasch Genotschap van Wetenschappen. Jroning taun 1817, C.G.L. Reinwardt ngadegaké Kebun Raya Indonesia (S\'land Plantentuin) ing Bogor. Ing taun 1928 Pamaréntah Hindhia Walanda mbentuk Natuurwetenschappelijk Raad voor Nederlandsch Indie. Sabanjuré taun 1948 diowahi dadi Organisatie voor Natuurwetenschappelijk onderzoek (Organisasi kanggo Panyelidikan jroning Ilmu Pengetahuan Alam, sing dikenal kanthi cekakan OPIPA). Badan iki nglakokaké tugasé nganti taun 1956.

Ing taun 1956, liwat UU no. 6 taun 1956 pamaréntah Indonesia mbentuk Majelis Ilmu Pengetahuan Indonesia (MIPI) kanthi tugas pokok:

  1. Mbimbing perkembangan ilmu pengetahuan lan teknologi.
  2. Mènèhi pertimbangan marang pamaréntah jroning babagan kawicaksanan ilmu pengetahuan.

Sabanjuré ing taun 1962 pamaréntah mbentuk Departemen Urusan Riset Nasional (DURENAS) lan mapanaké MIPI ana ing sajeroné kanthi tugas tambahan: mbangun lan ngasuh sawetara Lembaga Riset Nasional. Lan ing taun 1966 pamaréntah ngowahi status DURENAS dadi Lembaga Riset Nasional (LEMRENAS).

Ing sasi Agustus 1967 pamaréntah mbubaraké LEMRENAS lan MIPI kanthi SK Presiden RI no. 128 taun 1967, sabanjuré adhedhasar Keputusan MPRS no. 18/B/1967 pamaréntah mbentuk Lembaga Ilmu Pengetahuan Indonesia (LIPI) lan nampung kabèh tugas LEMRENAS lan MIPI, kanthi tugas pokok:

  1. Mbimbing perkembangan ilmu pengetahuan lan teknologi sing ngoyot ing Indonesia supaya bisa dimanfaataké kanggo kasejahtran rakyat Indonesia lan umat manungsa.
  2. Ngupaya golèk kebenaran ilmiah ing ngendi kabébasan ilmiah, kabébasan panelitèn sarta kabébasan mimbar diakoni lan dijamin, angger ora lelawanan karo Pancasila lan UUD 1945.
  3. Nyiapaké pambentukan Akademi Ilmu Pengetahuan Indonesia (wiwit 1991 tugas pokok iki sabanjuré ditangani déning Mentri Negara Riset lan Teknologi kanthi Keppres no. 179 taun 1991).

Magepokan karo perkembangan kemampuan nasional jroning babagan ilmu pengetahuan lan teknologi, organisasi lembaga-lembaga ilmiah ing Indonesia uga wis ngalami perkembangan. Mula saka kuwi Keppres no. 128 taun 1967, tanggal 23 Agustus 1967 ngenani tugas pokok lan fungsi sarta susunan organisasi LIPI diowahi nganggo Keppres no. 43 taun 1985, lan kanggo kasampurnané tanggal 13 Januari 1986 ditetepaké Keppres no. 1 taun 1986 ngenani Lembaga Ilmu Pengetahuan Indonesia, lan pungkasan kanthi Keppres no. 103 taun 2001

Kawenangan[sunting | sunting sumber]

Magepokan karo konservasi lingkungan hidup, Lembaga Ilmu Pengetahuan Indonesia nduwèni wewenang kanggo mènèhi rékomendhasi marang pamaréntah RI ngenani panetepan daftar klasifikasi, kuota penangkapan lan dedagangan klebu ékspor, ré-ékspor, impor, introduksi saka segara, kabèh spèsimèn tetanduran lan satwa; monitor idin perdagangan lan réalisasi perdagangan, sarta mènèhi rékomendhasi marang pamaréntah ngenani pembatasan pawèwèh idin perdagangan tetanuran lan satwa liar adhedhasar évaluasi sacara biologis; lan tumindak minangka pihak sing indepènden mènèhi rékomendhasi marang konvensi internasional ing babagan konservasi tetanduran lan satwa liar.

Rekrutmen[sunting | sunting sumber]

Sivitas permanèn LIPI nduwèni status Pegawai Negeri Sipil (PNS). Mula saka kuwi sistem rékrut pegawai anyar mèlu tata cara sing ana sacara nasional. Nanging, ing LIPI wiwit taun 2004, kabèh prosès rékrut pegawai anyar dilakoni sacara online nganggo Sistem Informasi Penerimaan CPNS - SIPC LIPI kanggo nggampangaké aksès lan transparansi publik.

Lomba-lomba sing dianakaké déning LIPI[sunting | sunting sumber]

  • Lomba Karya Ilmiah Remaja - LKIR (taunan wiwit 1968)
  • Lomba Kreatifitas Guru - LKG (taunan wiwit 1992)
  • Pemilihan Peneliti Muda Indonesia - PPMI (taunan wiwit 1990)
  • Perkemahan Ilmiah Remaja - PIR (taunan wiwit 2001)

Organisasi LIPI[sunting | sunting sumber]

Daftar Kepala LIPI[sunting | sunting sumber]

  1. Sarwono Prawirohardjo (1969 - 1974)
  2. Tb. Bachtiar Rifai (1974 - 1984)
  3. Doddy A. Tisna Amidjaja (1984 - 1989)
  4. Samaun Samadikun (1989 - 1994)
  5. Sofyan Tsauri (1994 - 1999)
  6. Taufik Abdullah (1999 - 2002)
  7. Umar Anggara Jenie (2002 - sekarang)

Non-struktural[sunting | sunting sumber]

Layanan Publik[sunting | sunting sumber]

Minangka salah siji wangun komitmen LIPI kanggo nglayani publik khususé ing babagan lan kagiatan kagandhèng ilmiah, LIPI nyediakaké manéla warna sarana sing bisa diaksès publik lan sebagéan gedhé sacara gratis:

Saliyané kuwi LIPI uga nyediakaké werna-werna portal ilmiah publik rupa-rupa bidang kajian ilmu :

  • fisik@net (referensi fisika utama)
  • komput@si (perangkat pembantu sains)
  • energi (portal energi Indonesia)
  • indoTeX (standar typesetting ilmiah global)
  • infoH@KI (informasi Hak atas Kekayaan Intelektual)
  • opto (info terkait kajian opto)
  • kimi@net (portal kimia Indonesia)
  • nano (portal nano teknologi dan sains)
  • NBIN (jaringan biodiversitas Indonesia)
  • instrument@si (info instrumentasi)

Afiliasi LIPI[sunting | sunting sumber]

Sacara kalembagaan, LIPI uga naungi langsung utawa ora langsung sawetara organisasi kagadhèng aktivitas ilmiah ing Indonesia, antara liya:

Referensi[sunting | sunting sumber]

Pranala jaba[sunting | sunting sumber]