Lembaga Penerbangan lan Antariksa Nasional

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lembaga Penerbangan dan Antariksa Nasional
Lapan logo.jpg
Cekakan LAPAN
Kepala Drs. Bambang Tedjasukmana Setiawan Dipl. Ing.
Situs web
http://www.lapan.go.id/
http://www.lapanrb.org/
http://www.lapanrs.com/

Lembaga Penerbangan lan Antariksa Nasional utawi ingkang asring dipuncekak kanthi nama LAPAN, inggih punika Lembaga Pamarentah Non Departemen Indonésia ingkang gadhah tugas nindakaken tugas pamarentahan ing bidhang panaliten lan pangrembakaning dirgantara lan mupangatipun. Lembaga punika dipunpandhegani dening Drs. Bambang Tedjasukmana Setiawan Dipl. Ing..

Sujarah Wujuding LAPAN[sunting | sunting sumber]

  • 31 Mei 1962 dipunbentuk Panitia Austronautika dening Mentri ingkang kaping sepisan RI, Ir. Juanda (minangka Ketua Dewan Penerbangan RI) lan R.J. Salatun (minangka Sekretaris Dewan Penerbangan RI);
  • 22 September 1962 dipunbentuk Projek Roket Ilmiah lan Militer Awal (PRIMA) afiliasi AURI lan ITB. Projek PRIMA saged kasil damel lan ngluncuraken kalih roket seri Kartika sisan kaliyan telemetrinipun ing taun 1964.
  • 27 November 1963 dipunbentuk Lembaga Penerbangan lan Antariksa Nasional (LAPAN) kanthi wontenipun Keputusan Presiden (Keppres) Nomor 236 Tahun 1963 bab LAPAN, kanggé nglembagakaken menawi wonten program- program pembangunan kedirgantaraan nasional;
  • Organisasi LAPAN sampun saged dipunsempurnakaken kanthi wontenipun saperangan Keppres ingkang kaping pungkasan inggih punika Keppres Nomor 9 Taun 2004.


Sejarah Satelit Indonesia[sunting | sunting sumber]

Tahun 1980-an[sunting | sunting sumber]

Uji Terbang muatan roket misi komunikasi radio amatir ing taun 1982.[1] Uji punika dipuntindakaken Lapan kanthi ngawontenaken kerja sama kaliyan organisasi Amatir Radio Indonésia (Orari). Sekawan roket dipunluncuraken kanthi dhuwuripun 30 kilometer ingkang mbeto pemancar radio ingkang saged makarya wonten ing frekuensi amatir 146.500 MHz kanthi daya 2 watt. Kalih roket kasil ngirim sinyal radio ingkang wosipun inggih mbeto data meteorologi lan data olah gerak roket ingkang arupi multitone punika dhateng stasiun Orari ingkang kasebar wonten ing Jawa Kulon, Jakarta, Jawa Tengah, Sumatera Selatan, lan Kalimantan.

Taun 1990- nan[sunting | sunting sumber]

Uji terbang konsentrator antariksa (digipeater) ing taun 1996. Konsentrator antariksa (konsensa) inggih sejatosipun arupi komputer ingkang gadhah fungsi dados flying mail box lan router kanggé komunikasi kanthi mode store and forward. Satelit punika dipundamel minangka mergi kangge medal saking jaringan- jaringan komunikasi ingakng sampun wiwit macet dipunginakaken ing wekdal punika. Minangka router, konsensa badhe damel rute surat- surat elektronik saking setunggal node dhateng node sanesipun miturut ancas ingkang sampun dipunparingaken. Minangka flying mail box, konsensa badhe nyimpen berkas- berkas dhata ingkang dipunkirim dhateng direktori hard disk (store) lan salajengipun dipunkirim ing ancas ingakng sampun dipuntemtokaken (forward).

Taun 2000- nan[sunting | sunting sumber]

Pangrembakaning model engineering satelit Lapsat wonten ing taun 2001. Model satelit punika dipunrancang supados saged njangkepi persaratan kangge operasi ingkang kados mekaten: (a) saben model sub sistemipun kedah saged dipungabungaken, (b) dipunoperasikaken catu daya, muatan komunikasi data digital lan telemetri kedah saged dipunkendhalekaken kanthi jangkep saking onboard komputer. Pangrembakaning model engineering satelit Inasat wonten ing taun 2003. Pangrembakaning Inasat gadhah ancas kangge nganalisis dinamika maburipun, karakteristik satelit lan karakteristik medan magnet. Ing wekdal sak punika sampun wiwit dipunginakaken perangkat desain satelit saengga sampun saged dipunlampahaken uji simulasi. Saking uji kasebat sampun saged dipunmagertos karakteristik orbit lan lingkunganipun, kados radiasi srengenge lan pangaribawa radiasi elektron dhateng alat- alat satelit.

Pangrembakanipun ing wekdal sak punika[sunting | sunting sumber]

Pangrembakaning model terbang satelit Lapan- Tubsat/ Lapan A1 dipunwiwiti ing taun 2004. Pangrembakaning satelit pengamatan Lapan A2 dipunwiwiti ing purwakaning taun 2007 dados fase énggal ingkang langkung mandhiri. [2] Pangrembakaning satelit pengindraan tabih Lapan- B1 ingkang enggal, dipunwiwiti kanthi pangrembakaning imager ingkang dados muatan satelit kangge misi pengindraan tebih. Cak-cakanipun inggih kanthi nunjang program ketahanan pangan nasional.

Delengen Uga[sunting | sunting sumber]

Cathetan Suku[sunting | sunting sumber]

  1. ^ (id)SEJARAH LAPAN (dipunundhuh tanggal 1 Pebruari 2013)
  2. ^ (id)PROGRAM UTAMA PUSTEKSAT (dipunundhuh tanggal 1 Pebruari 2013)