Epirus (periphery)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Periphery Epirus
Περιφέρεια Ηπείρου
Location of Epirus Periphery in Greece
 
Negara: Yunani
Ibukutha: Ioannina
Prefectures: Arta
Ioannina
Preveza
Thesprotia
Populasi: 358.698 (2005)
Area: 9.203 km² (3.553 sq.mi.)
Kapadhetan: 39 /km² (101 /sq.mi.)
Website: www.roe.gr

Epirus (basa Yunani: Ήπειρος, Ípiros), kuwi sawijining periphery ing lor-kulon Yunani. Tlatah iki wewatesan karo periphery Makedonia Kulon lan Thessaly ing sisih wétan, Stereá Elláda (Yunani Tengah) ing sisih kidul, Segara Ionian lan Kapuloan Ionian ing sisih kulon, lan Albania ing sisih lor. Jembar wewengkon watara 9,200 km² (3,551 mil pesagi). Tlatah iki minangka bagéan saka region historis Epirus, kang tumpang tindhih karo wewengkon Albania, nanging saiki luwih akèh kang mlebu wewengkon Yunani.

Geografi lan ekologi[sunting | sunting sumber]

Epirus Yunani, kaya tlatah region sakabèhé, kuwi ora rata akèh watu lan gunung-gunungé. Akèh-akèhé tlatah iki arupa pagunungan, bagéan saka Alpen Dinaric. Titik paling dhuwur ing tlatah iki yakuwi ing gunung Smolikas, sing dhuwuré 2.637 meter sadhuwuring segara. Ing sisih wétan, gunung-gunung Pindus kang dadi "balung geger"é dhataran Yunani misahaké Epirus saka Makedonia lan Thessaly. Mayoritas tlatah Epirus dumunung ing dhaérah ilèn angin saka Pindus. Angin saka segara Ionian nyebabaké tlatah iki nduwé curah udan kang luwih akèh tinimbang tlatah Yunani liyané.


Demografi[sunting | sunting sumber]

Watara 350,000 jiwa manggon ing Epirus. Miturut sensus taun 2001, tlatah iki nduwé populasi kang paling sithik ing antara 13 periphery ing Yunani. Bab iki sabagéan amarga pengaruh perang kang makaping-kaping ing abad ka-20, sarta akèhé pamindhahan pedunung utawa emigrasi amarga kahanan ekonomi kang abot. Ibukutha lan kutha paling gedhé ing tlatah iki yakuwi Ioannina, papan kang dipanggoni déning mèh saprotelon saka pedunung Epirus. Mayoritas pedunung dumadi saka ètnik Yunani, nanging ing provinsi iki uga ana kumpulan wong-wong kang migunakaké basa Aromania lan basa Albania{Fact|date=May 2007}}, yakuwi wong-wong kang isih dianggep ètnik Yunani. Yunani ora ngakoni klompok minoritas liyané minoritas Muslim ing Trasia, mulané angèl kanggo ngira-ira cacahing pedunung ètnik Aromania`.

Peta detil Epirus

Miturut riset kang dianakaké déning ahli etnografi Rumania ing taun 1994, pedunung asli Albania wis mèh ilang, lan upaya nemokaké wong kang omong basa Albania ing tlatah iki pancèn ora kasil [1]. Nanging, dilaporaké yèn ana sawetara penutur basa Albania ing Epirus (cedhak tapel wates karo Albania) kang nganggep klompoké dhéwé minangka Shqiptar ("wong Albania" ing basa Albania)[2].

Owah-owahan tapel wates antara Yunani lan Albania ing taun 1913 mujudaké anané sawetara désa kang pedunungé wong Albania dadi wilayah Yunani (lan sawetara désa-désa Yunani dadi wewengkon Albania). Sawenèh wong Albania nganggep tlatah iki minangka bagéan saka region kang diarani Chameria (Thesprotia ing basa Yunani), mauné dipanggoni déning sawijining klompok minoritas, Cham Albanian bebarengan karo mayoritas etnik Yunani (Epirotes). Crita bab pangusiran wong Cham saka Yunani jroning Perang sadulur Yunani tansah dadi pasulayan antara Yunani lan Albania.

Pamérangan administratif[sunting | sunting sumber]

Prefecture Epirus

Epirus kapérang jroning papat prefecture (nomoi), kang banjur dipérang manèh jroning dēmoi (municipalitas) utawa koinótētes (kira-kira mèh padha karo shire ing Britania Raya utawa ing Australia).

Prefecture mau antara liya:

  1. Thesprotia
  2. Ioannina
  3. Preveza
  4. Arta

Kutha[sunting | sunting sumber]

Referensi[sunting | sunting sumber]

  1. ^ Farsarotul
  2. ^ Arvanites

Pranala jaba[sunting | sunting sumber]

Peta periphery Yunani Wilayah Administratif ing Yunani Bendera Yunani

Aegean Kidul | Aegean Lor | Attika | Epirus | Kapuloan Ionia | Kreta | Makedonia Tengah | Makedonia Kulon | Makedonia Wétan lan Trasia | Peloponnesa | Tesalonika | Yunani Kulon | Yunani Tengah |

Sumber artikel punika saking kaca situs web: "http://jv.wikipedia.org/w/index.php?title=Epirus_(periphery)&oldid=867263"