Anjani
Dèwi Anjani iku putra pambarepé Resi Gotama saka Grastina karo widodari Dewi Indradi. Sejatiné, Anjani iku ayu kaya widodari. Dening ibune, Anjani diwènèhi Cupumanik Astagina. Cupumanik Astagina yaiku pusaka kadéwatan kang miturut paugeran para déwa ora bisa dideleng utawa diduwèni lumrahé manungsa amarga cupu iki nduwèni kasektèn sing tanpa pepindhan. Ing jeroné ana wewadi panguripan ing alam nyata lan alam kasurgan. Cupumanik Astagina bisa kanggo ndeleng prastawa ing bumi lan ing langit nganti trap kaping pitu. Cupu kuwi pawèwèhé Bathara Surya marang Dèwi Indradi.
Nalika Anjani kepéngin nyoba kasektèné Cupumanik Astagina, adhiné loro, Sugriwa lan Subali, ngerti lan kepengin mèlu nduwèni. Resi Gotama banjur ngerti perkara Cupu Manik Astagina iki. Anjani ditakoni ora gelem ngaku, amarga pancèn iki wadi. Resi Gotama nesu, Dewi Indradi disepata dadi tugu lan dibuwang nganti tapel wates Alengka.
Sugriwa, Subali, lan Anjani banjur rebutan cupu mau. Resi Gotama banjur mbuwang cupu iku ing tlaga Madirda. Sedulur telu mau banjur ngoyak kanthi dikancani Jembawan, Menda, lan Suwarsih. Nalika padha njegur ana ing tlaga, praupane padha malèh dadi wanara. Wong-wong mau dadi wanara amarga nduwé solah tingkah kaya kethek.
Resi Gotama ora bisa apa-apa nyumurupi kahanan iki. Anak-anaké dikon tapa supaya salin rupa manèh dadi manungsa. Anjani tapa dadi cantoka (kodhok) ing tlaga, Subali tapa ngalong (kaya kalong), lan Sugriwa tapa ngidang (kaya kidang).
Ing tapane, Dewi Anjani katekan dening Bathara Bayu lan andum asmara. Seka kedadeyan iki banjur lair Anoman.
Delengen Uga[sunting]
|
|||||||||||
