Alain Prost

Saka Wikipédia Jawa, bauwarna mardika basa Jawa
Alain Prost
Prost nalika taun 2009
Lair (1955-02-24) 24 Fèbruari 1955 (umur 69)
Prancis Lorette, Loire, Prancis
Sejarah karier dalam ajang Formula Satu
Kewarganegaraan Prancis
Taun aktif19801991, 1993
TimMcLaren, Renault, Ferrari, Williams
Jumlah lomba202 (199 start)
Juara dunya4 (Cithakan:F1, Cithakan:F1, Cithakan:F1, Cithakan:F1)
Menang51
Podium106
Total poin768.5 (798.5)
Posisi pole33
Lap tercepat41
Balapan KapisananGrand Prix Argentina 1980
Menang KapisananGrand Prix Prancis 1981
Menang PungkasanGrand Prix Jerman 1993
Balapan PungkasanGrand Prix Ostrali 1993

Alain Marie Pascal Prost, OBE, Légion d'honneur (lair ing Lorette, Loire, Prancis, 24 Fèbruari 1955; umur 69 taun) minangka mantan pembalap Formula Satu asal Perancis ingkang sampun kaping 4 ngrebut gelar juara donya F1, lan dadosaken tiyang ingkang kaping 3 ingkang pikantuk gelar juara donya ingkang kathah piyambak kejawi Juan Manuel Fangio (5 gelar), lan Michael Schumacher (7 gelar). Saking taun 1993 dumugi 2001, Prost nyepeng rékor minangka pembalap kanthi kemenangan ingkang kathah piyambak. Michael Schumacher lajeng mecahaken rékor 51 kemenangan Prost wonten ing GP Bèlgi 2001. Prost ugi pikantuk gelar minangka salah satunggaling atlet paling apik Abad 20 sesarengan kaliyan Pelé, Muhammad Ali, Carl Lewis, lan Steffi Graf.[1]

Prost miwiti balapan kartingipun wonten ing umur 14 taun nalika piyambakipun liburan sesarengan kaliyan kulawarganipun. Piyambakipun lajeng ndhèrèk kompetisi wonten ing manékan ajang junior, ing pundi salajengipun piyambakipun menangaken kejuaraan Formula Junior Perancis lan Éropah kaping tiga kanthi urut, sadèrèngipun kagabung kaliyan tim McLaren wonten ing taun 1980 ing yuswa 25 taun. Piyambakipun lajeng ngrembaka rikat ing ajang F1 lan pikantuk pisananipun wonten ing GP Perancis 1981, satunggal taun sasampuning piyambakipun mlebet F1, ing pundi nalika punika piyambakipun kagabung kaliyan tim Perancis, Renault F1.

Wonten ing taun 1997, Prost mendhet alih tim F1 Perancis, Ligier,lan nglamapahaken nama Prost Grand Prix dumugi bangkrut nalika taun 2002. Tim Prost sapunika mandhap ing ajang Andros Trophy, ingkang minangka kejuaraan balap ing inggil ès.

Prost kathah dipunsebut tiyang minangka pembalap kanthi gaya alus lan santé ing wingking kemudi. Piyambakipun piyambak nyebut bilih piyambakipun pikantuk inspirasi saking idola pribadinipun kados Jackie Stewart lan Jim Clark.[2] Prost asring dipunjuluki minangka "Profesor" amargi pendekatan intelektual wonten ing kompetisi balap F1. Piyambakipun dipunkenal trampil nyamektakaken mobilipun kanggé kaanan balapan, lan ugi trampil ngemat rém lan bal ing wiwitan lomba, kanthi pangajab saged dipungebér dumugi pungkasaning perlombaan.[3] Jurnalis ulah raga bermotor Denis Jenkinson ngandharaken Prost minangka: "tiyang ingkang simpel lan boten gumantung kaliyan greget utawi inspirasi. Piyambakipun ugi boten manja kaliyan kecakapan mainaken pertunjukan beragam omong kosong. Piyambakipun gadhah tingkat disiplin mental ingkang inggil ing njawi pangertosan tiyang kathah."[4]

Sasampuning Prost GP[besut | besut sumber]

Alain Prost saweg mbalap ing ajang Trofi Andros mangsa 2009/10.

wonten ing mangsa 2002, Prost nelasaken wekdal kaliyan kulawarganipun lan berkompetisi wonten ing 8 balap sepeda, lan wonten ing posisi angka 3 ing Granite – Mont Lozère.[5] Prost ugi mbalap ing seri balapan es Andros nalika taun 2003, lan pikantuk posisi angka 2 ing kejuaraan mau, ing wingking Yvan Muller.[6] Prost ugi dados duta kanggé Uniroyal, posisi ingkang dipunlampahaken dumugi Mèi 2006.[7]

Prost nglajengaken berkompetisi ing Trofi Andros, lan menangaken gelar kaliyan Toyota ing mangsa 2006/07 lan 2007/08.[8][9]

Kanggé mangsa 2010, Aturan Ulah raga FIA (Sporting Regulations) dipunéwahi, saèngga satunggaling mantan pembalap lenggah ing panel pengawas balapan (stewards). Prost minangka salah satunggaling pembalap pisanan ingkang mendhet posisi punika, wonten ing Grand Prix Bahrain.[10]

Statistik[besut | besut sumber]

Mangsa dhateng mangsa[besut | besut sumber]

Mangsa Seri Tim Balapan Menang Pole F/Lap Podium Poin Posisi
1976 Formula Renault Perancis Martini Renault Team 15 12 7 0 12 ? kaping 1
1977 Formula Renault Éropah Martini Renault Team 18 6 4 0 10 ? kaping 1
1978 Formula Tiga Éropah Martini Renault Team 10 1 1 1 2 ? ke-9
1979 Formula Tiga Éropah Martini Renault Team 13 9 4 6 11 ? kaping 1
1980 Formula Satu Marlboro McLaren 13 0 0 0 0 16 kaping 5
1981 Formula Satu Equipe Renault Elf 15 3 2 1 6 43 kaping 5
1982 Formula Satu Equipe Renault Elf 17 3 6 4 5 34 kaping 4
1983 Formula Satu Equipe Renault Elf 15 4 3 3 7 57 ke-2
1984 Formula Satu Marlboro McLaren International 16 7 3 3 9 71,5 ke-2
1985 Formula Satu Marlboro McLaren International 16 5 2 5 11 73 (76) kaping 1
1986 Formula Satu Marlboro McLaren International 16 4 1 2 11 72 (74) kaping 1
1987 Formula Satu Marlboro McLaren International 16 3 0 2 7 46 kaping 4
1988 Formula Satu Marlboro McLaren Honda 16 7 2 7 14 87 (105) ke-2
1989 Formula Satu Marlboro McLaren Honda 16 7 2 7 14 76 (81) kaping 1
1990 Formula Satu Scuderia Ferrari 16 5 0 2 9 71 (73) ke-2
1991 Formula Satu Scuderia Ferrari 14 0 0 1 5 34 kaping 5
1993 Formula Satu Canon Williams Renault 16 7 13 6 12 99 kaping 1

Penghargaan[besut | besut sumber]

Tahun Penghargaan
1985 Autosport International Racing Driver Award
1994 Autosport Gregor Grant Award
1999 World Sports Awards of the 20th Century

Cathetan suku[besut | besut sumber]

  1. The Independent (London), Nov 21, 1999, Dipunundhuh: 18 Maret 2013; Jet, December 13, 1999, Retrieved 8 March 2008; Prostfan.com - Profile. Dipunundhuh: 18 Maret 2013.
  2. Roebuck, Nigel (1986) Grand Prix Greats p. 131 Book Club Associates ISBN 0-85059-792-7
  3. Hall of Fame — Alain Prost, Formula1.com. Paragraph 6. Dipunundhuh tanggal 18 Maret 2013.
  4. 8W — Who? — Alain Prost, Forix.com. Paragraph 24. Dipunundhuh: 18 Maret 2013.
  5. Alain Prost 2002 - Bicycle Racing. Situs Penggemar Alain Prost. Dipunundhuh tanggal 18 Maret 2013.
  6. Alain Prost - Winter 2003/2004. Andros Trophy Ice Racing Championship Standings. Situs Penggemar Alain Prost. Dipunundhuh tanggal 18 Maret 2013.
  7. Alain Prost - Curriculum Vitesse. Situs Penggemar Alain Porst. Diakses pada 4 Juni 2010.
  8. Alain Prost - Winter 2004/2005. Andros Trophy Ice Racing Championship Standings. Situs Penggemar Alain Prost. Dipunundhuh tanggal 18 Maret 2013.
  9. Alain Prost - Winter 2005/2006. Andros Trophy Ice Racing Championship Standings. Situs Penggemar Alain Prost. Dipunundhuh tanggal 18 maret 2013.
  10. Beer, Matt. Prost joins stewards for Bahrain. AutoSport.com, 11 Maret 2010. Dipunundhuh tanggal 18 Maret 2013.

Pranala njaba[besut | besut sumber]