Prost Grand Prix

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Alain Prost, pangelola tim Prost Grand Prix

Prost Grand Prix nalika rumiyin inggih punika tim balap Formula Siji ingkang dipunkelola déning bekas juara dunia Alain Prost. Tim punika ndhèrèk wonten ing gangsal musim saking taun 1997 dumugi taun 2001.

Wonten ing wiwitanipun, nalika taun 1997, kanthi migunakaken jasa Oliver Panis, Jarno Trulli, lan Shinji Nakano, saged dipunngendikakaken minangka taun ingkang paling apik kanggé Prost. Prost GP pikantuk poin kapisanan lumantar Oliver Panis ing seri pambuka, GP Australia. Malahan, Panis saged pikantuk podium angka 2 ing GP Brasil lan GP Spanyol.

Trulli mbalap kanggé prost sadanguning 7 seri, nggantosaken panis ingkang kénging cedera patah kaki nalika GP Kanada 1997. Ananging wonten ing pungkasaning musim trulli dipunkontrak permanèn sadanguning 2 taun.

Musim 1998 saged dados musim paling ala kanggé tim Prost GP, kejawi musim 2000. Prost namung saged mbekta wangsul 1 poin, sasampuning Jarno Trulli finish P6 ing GP Belgia ing Spa-Francorchamps, ing pundi wonten ing lap 1 sempet kadadosan kacilakan ageng ingkang ndhèrèkaken 13 pembalap, kalebet 2 Prost piyambak, Panis lan Trulli. Kejawi punika, Panis gagal re-start, sareng 3 mobil sanèsipun.[1]

Kebangkitan[sunting | sunting sumber]

Taun 1999, Prost bangkit malih, éwadéné boten sami apikipun kaliyan musim 1997. Trulli pikantuk podium kanggé Prost ing GP Eropa ing Nuerbugring, Jerman. Cekap ngremenaken, ngèngeti podium kasebut minangka podium satunggal-satunggalipun ingkang dipungayuh kaliyan Prost kaliyan Peugeot. Akhir musim, Prost mapan ing posisi angka 7 kanthi pikantuk 9 poin.

Masa surem lan wekdal pungkasan[sunting | sunting sumber]

Taun 2000 minangka taun ingkang paling ala tumraping tim Prost GP. Kanthi perkawis gearbox wiwit tes pra-musim, plus konflik internal, Prost pesthi dumunung wonten ing posisi P11 kaliyan 0pts. Nilai Prost imbang kaliyan Minardi, ananging Prost kedah ngalah amargi statistik ingkang langkung ala.[2]

Taun 2001 saged dipunarani minangka taun ingkang langkun saé tinimbang musim 2000. Déné kanthi icalipun sapérangan sponsor ageng kados parusahan rokok Gauloises, layanan web Yahoo!, konsol video game Playstation damel keuangan Prost langkung awrat. Kanthi migunakaken mesin énggal Ferrari (dipunserat Acer), Prost saged bangkit malih ing wekdal-wekdal pungkasan. Déné Prost migunakaken Jasa 5 pembalap, paling kathah saking sedaya tim F1 taun 2001. Ke-5 pembalap ingkang sampun dipunsebut wau inggih punika Jean Alesi, Tomas Enge, Luciano Burti, Heinz-Harald Frentzen, lan Gaston Mazzacane. Ing akhir musim, Prost mapan ing posisi angka 9 kanthi pikantuk 4 poin.

Panutup[sunting | sunting sumber]

Ing wiwitan musim 2002 tim punika bangkrut. Prost boten saged pikantuk sponsor ingkang cekap saperlu nglanggengaken tim punika.

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Prost_Grand_Prix&oldid=876186"