Ès pisang ijo
Ès pisang ijo iku panganan khas Makassar, Sulawesi Kidul kang digawé saka gedhang raja.[1][2] Ès pisang ijo digawé saka gedhang raja kang diwungkus adonan glepung, santen, sarta banyu godhong pandan utawa pasta pandhan supaya wangi lan mirasa sarta kanggo mènèhi warna ijo.[1] Cara nyuguhaké nganggo saos (digawé saka santen, glepung, gula pasir, godhong pandan, lan uyah)kang diwènèhi ès serut, kacang goreng utawa kacang sangan kang didheplok kasar, lan sirup.[1] Diarani ijo dudu jalaran digawé saka gedhang ijo, nanging amarga jajanan iki digawé saka gedhang kang dibungkus glepung warna ijo. Yèn disawang sakeplasan, ès pisang ijo memper karo ès palu butung. Kang mbedakake kekarone ya iku jinising gedhang kang dianggo. Ès pisang butung nganggo gedhang kepok, déné ès pisang ijo nganggo gedhang raja.[2]
Bakul ès pisang ijo[besut | besut sumber]
Ès pisang ijo saiki ora mung ana ing Makassar, nanging wis ngambah ing ngendi-endi. Ing kutha-kutha gedhé kaya Bandung lan Jakarta akèh wong kang dodolan es pisang ijo. Rasane uga wis akèh variasine kaya ta rasa vla vanilla, vla coklat, vla stroberi, lan vla durèn.[3]
Cathetan suku[besut | besut sumber]
- ↑ a b c Bisnis Jitu Es Pisang Ijo di Bulan Ramadhan(16 Agustus 2011)
- ↑ a b Duh, nikmatnya berbuka dengan es pisang ijo(16 Agustus 2011)
- ↑ "Justmine Pisang Ijo". Diarsip saka sing asli ing 2011-08-07. Dibukak ing 2011-08-16.
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |