Zhang Zuolin
Zhang Zuolin (Hanzi: 张作霖, 19 Maret 1873-4 Juni 1928) ya iku salah sijiné panglima perang Tiongkok nalika jaman Républik Tiongkok ing wiwitan abad 20.[1] Zhang Zuolin iku panglima perang kanggo wewengkon Manchuria lan tau nguwasani laladan kang amba ing pérangan lor Tiongkok.[1] Zhang Zuolin lumrahé diarani Komandhan Gedhé (大帥), Komandhan Udan (雨帥) utawa Macan Mukden.[1]
Zhang Zuolin lair saka kulawarga kang prasaja.[2] Ing karir militèré, Zhang Zuolin tau mbiyantu Jepang ing perang Ruslan-Jepang (1904-1905).[2] Zhang Zuolin dadi pamimpin saka milisi Manchuria.[2] Ing papréntahan Républik Tiongkok, Zhang Zuolin duwé kalungguhan kang wigati ing militèr.[2] Sawisé diangkat dadi inspèktur jèndral Manchuria nganti Zhang Zuolin mati, dhèwèké nguwasani laladan iku.[2] Zhang Zuolin kerep perang kanggo nguwasani laladan-laladan ing pérangan kidul wiwit taun 1920 lan saterusé.[2] Zhang Zuolin tau perang karo panglima perang liyané ya iku Wu Peifu lan Feng Yuxiang.[2] Perang iki ancasé kanggo ngrebut kutha Beijing.[2] Pasukan Fengtian kang kabawah Zhang Zuolin bisa mimpin laladan Beijing lan Tianjin.[2] Kaanan iki kalakon nganti taun 1926, awit sawisé iku Jiang Jieshi (Chiang Kai-shek) bisa mimpim kutha iku sawisé nganakaké èkspèdhisi lor.[2] Jiang banjur meksa para panglima perang kanggo manut lan yasa papréntahan nasional Tiongkok.[2] Sawisé iku jaman panglima perang banjur purna.[2]
Cathetan sikil[besut | besut sumber]
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |