Yeongsanjae

Saka Wikipédia Jawa, bauwarna bébas abasa Jawa
Sutra Teratai

Yeongsanjae inggih punika upacara ritual agama Buda ingkang dipunwontenaken ing Kuil Bongwon, Seoul, Korea Selatan.[1] Upacara wonten ing kapitadosan Buda punika kanthi ancas paring persembahan dhumateng Buda supados nuntun gesangipun manungsa, ingkang tasih gesang lan ugi ingkang sampun tilar donya supados pikantuk katentreman.[2] Upacara punika dipunwontenaken kaliyan ritual bompae inggih punika melantunkan sutra Buda. Kalajengaken kalihan nari tarian ritual Nabichum, Barachum, Beobgochum lan Tajuchum.[3] Upacara punika minangka wujud Warisan Budaya Nonbendawi Korea Selatan Nomor 50 taun 1973 lan ugi minangka Karya Agung Warisan Budaya Lisan lan Nonbendawi Manungsa UNESCO nalika taun 2005.[4]

Sajarah[besut | besut sumber]

Kuil Bongwon.

Miturut kapitadosan Buda Korea, Yeongsanjae inggih punika upacara adhedhasar nalika prastawa Buda paring khotbah Sutra Saddharma Pundarica (Sutra Teratai) ing Gunung Yeongsan (Gunung Gridhakuta) sadaya muridipun, makhluk ingkang gesang wonten ing bumi lan langit rumaos bungah sanget bibar mirangaken khotbahipun.[5][6] Kembang Mandala mandhap saking langit Sakradevanan Indra saking sadaya donya, para Bodhisattva, dewa lan dewi ndhèrèk mandhap dhateng bumi kanggé maringi kembang lan dupa sarta nari kagem Buda.[5] Sedaya kawontenan punika dipunmanifestasiaken dhateng satunggaling upacara ingkang dipunsebat Yeongsanjae.[5] Upacara punika kanthi ancas nglantaraken pesen babagan reinkarnasi lan pagesangan énggal wonten ing nirwana kanggé tiyang ingkang sampun tilar donya.[5] Kejawi punika upacara punika ugi kanthi ancas supados nuntun manungsa ingkang wonten ing bumi supados pikantuk pancerahan lan pambebasan saking karma, saéngga jiwa-jiwa sadaya makhluk ing bumi, langit, segara, lan alam baka saged slamet lan tentrem.[5]

Upacara Yeongsanjae nedahaken musik lan tarian ritual ingkang nggabungaken ritual asli Korea kaliyan Buda lajeng dipunwontenaken saben setaun kaping pisan ing Bongwonsa (Kuil Bongwon), Seoul.[1] Nalika zaman tengahan Dinasti Joseon, upacara ritual agama Buda dipunwontenaken kanthi ageng adhedhasar Sutra Teratai.[1] Kados ritual agami sanès, Yeongsanjae punika èksprèsi filosofi lan doktrin agama Buda kanthi ancas mahyakaken disiplin dhiri.[7]

Beompae[besut | besut sumber]

Ritual Beompae punika ngaturaken mantra tanpa tèks sinerat lan dipunwarisaken kanthi lésan.[8] Ritual Beompae kaperang dados mantra anchabi lan geotchaebi[8]. Anchabi punika sekawan nada musik Buda lan swantun andhap, déné geotchaebi punika mantra dawa.[8]

Tarian[besut | besut sumber]

Tarian ingkang dipunpentasaken wonten ing Yeongsanjae gunggungipun wonten 3 ingkang kairingan mantra lan piranti musik kados trompèt (taepyeongso), gong (jing), gendérang (buk), simbal lan moktak. Tarian ingkang dipuntedahaken punika Nabichum, Barachum, lan Beopgochum.

Cathetan suku[besut | besut sumber]

  1. ^ a b c Ko Chang-Soo (2001). "Jongmyo shrine music and Yeongsanjae Buddhist ritual". Proquest (ing basa Inggris) 18: 60–61.  Paramèter |month= sing ora kawruhan dikiwakaké (pitulung)
  2. ^ Yeongsanjae Ceremony,bongwonsa.
  3. ^ Pompae and Buddhists dance, pompae.
  4. ^ Asia sweeps the World Intangible Heritage list with 43 new inscriptions, unescobkk.
  5. ^ a b c d e What is Yeongsanjae?, pompae.
  6. ^ Bongwon-sa, lifeinkorea.
  7. ^ Yeongsanjae, unesco.
  8. ^ a b c Pompae, pompae.

Pranala njawi[besut | besut sumber]

Cithakan:Karya Agung Warisan Budaya Lisan dan Nonbendawi Manusia Korea Selatan