Windows XP

Windows XP
Part of the Microsoft Windows family
Foto layar Windows XP
Developer
Microsoft
Website	Windows XP: Homepage
Releases
Initial release	25 Oktober 2001 [info]
Stable release	5.1.2600.5512 Service Pack 3 (x86 SP3) (21 April 2008) [info]
Source model	Sumber katutup, Sumber bebarengan
License	MS-EULA
Kernel type	Hybrid
Platform support	x86, x86-64, IA-64
Support status
Panambahan panyengkuyung nganti 8 April 2014. (Service Pack 2 nganti 13 Juli 2010)

Windows XP ya iku jajaran sistem operasi kang duwé basis grafis kang digawé déning Microsoft kanggo digunakaké ana ing komputer pribadi, kang nyakup komputer omah lan desktop bisnis, laptop, lan uga punjer médhia (Media Center). Jeneng "XP" ya iku singkatan saka "Experience". Windows XP minangka panerus saka Windows 2000 Professional lan Windows Me, lan dadi vèrsi sistem operasi Windows pisanan kang orièntasiné konsumèn kang digawé ana ing ndhuwuré kernel lan arsitèktur Windows NT.

Windows XP pisanan dirilis nalika tanggal 25 Oktober 2001, punjul 400 yuta salinan instalasi digunakaké nalika sasi Januari 2006, miturut prakiran sawijining analisis IDC. Windows XP digantèkaké déning Windows Vista, kang dirilis kanggo naraguna volume license nalika 8 November 2006, lan ana ing donya kanggo masarakat umum nalika tanggal 30 Januari 2007. Akèh Original Equipment Manufacturer (OEM) lan uga bakul ritèl nganti prodhuksi piranti mawa Windows XP nalika tanggal 30 Juni 2008. Microsoft dhéwé terus ngedol Windows XP kanthi Custom-built PC (OEM cilik kang ngadol komputer rakitan) nganti tekan 31 Januari 2009. Windows XP tetep ana kanggo naraguna korporasi kanthi volume licensing, dadi sarana downgrade kanggo komputer-komputer kang durung siyap nglakokaké sistem operasi anyar, Windows Vista Business Edition utawa Ultimate Edition utawa Windows 7 Professional.