Laptop

Saka Wikipédia, bauwarna bébas basa Jawa
Laptop, komputer jinjing kang bisa digawa ing ngendi-endi.
Tuladha ngginakke laptop kangge presentasi.

Laptop uga dikenal notebook utawa netbook, ya iku komputer jinjing kang bisa digawa ing ngendi-endi kanthi gampang.[1] Laptop iku kalebu komputer generasi IV.[1] Laptop iku komputer pribadhi kang ukurané rada cilik, bisa digawa ing ngendi-endi lan bisa dipangku nalika nganggo, kasusun saka saprangkat kayata papan tombol, layar, mikroprosessor, lan padatan dijangkepi karo batere kang bisa diisi manèh.[2] Laptop nduwé komponen-komponen kang dirancang khusus.[3] Komponen-komponene bedha saka komputer pribadhi (PC).[3] Komponen kang nyusun laptop iku ukurane cilik, hemat energi, lan efisien.[3] Laptop bobote kurang luwih 1–6 kg.[2] Sumber listrik kang dianggo laptop iku saka batere utawa A/C adaptor kang bisa dianggo kanggo ngurupake laptop iku dewe.[2] Batere laptop umume bisa kuwat nganti 6 jam.[2] Padatan laptop nganggo layar LCD (Liqiud Crystal Display) kang ukurane 10 inci nganti tekan 17 inci.[1] Saliyane iku papan ketike (keyboard) uga dijangkepi karo touchpad sing gunane kanggo ngobahake mouse.[2] Padatan laptop gedhe kaya notebook, kandele antarane 0,7-1,5 inci utawa 18–38 mm lan dimensi wiwit 10x8 inci utawa 27x22 cm.[2] Kang mbedakake antara notebook lan netbook ya iku netbook nduwèni output device sing terbatas, uga padatan ora nduwèni optical drive.[4]

Cathetan suku[besut | besut sumber]

  1. ^ a b c (id) Riana, Deny. Komputer dan Komunikasi. Duta Grafika. (kaca 14)
  2. ^ a b c d e f (id)Laptop (dipunundhuh tanggal 9 Maret 2011)
  3. ^ a b c (id)Pengertian Laptop (dipunundhuh tanggal 7 Maret 2011)
  4. ^ (id)[1] (dipunundhuh tanggal 30 Maret 2011)


Sumber artikel punika saking kaca situs web: "https://jv.wikipedia.org/w/index.php?title=Laptop&oldid=1044797"