Wikipédia:Artikel pilihan/2011 05
Gesang utawa jangkepé kang aran Gesang Martohartono (lair ing Surakarta, Jawa Tengah, 1 Oktober 1917 – tilar donya ing Surakarta, Jawa Tengah, 20 Mei 2010 kanthi yuswa 92 taun) yaiku salah sijining gerong lan pangripta lelagon saka Indonesia. Gesang misuwur dadi sang "maestro kroncong Indonésia," dhèwèke misuwur banget saka lelagon riptané yaiku Bengawan Solo kang misuwur nganti tekan Asia, utamané ing Indonésia lan Jepang. Lelagon 'Bengawan Solo' iku wis kurang luwihé, dipertalaké ana ing 13 basa (kalebu basa Inggris, basa Tionghoa, lan basa Jepang)
Lelagon Bengawan Solo iki diripta ing taun 1940, Samangsa umuré 23 taun. Gesang mudha nalika lungguh ana pinggiré kali Bengawan Sala, dhèwèké kerep ngagumi kali kuwi, ya saka inspirasi iku dhèwèké bisa ngripta lelagon. Prosès gawé lalagon iku kurang luwih 6 sasi. Ing jagading manca, lelagon kang diwènèhi aran Bengawan Solo iku misuwur banget, utamané ing negara Jepang. Bengawan Solo uga tau didadèkaké salah siji pilem layar amba ing Jepang.