Warseno Slank

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Ir. Warseno Hardjodarsono, M.Si. utawi langkung misuwur kanthi asma Ki Warseno Slank (lair ing Klaten, Jawa Tengah, 18 Juni 1965; umur 55 taun) inggih punika salah satunggalipun seniman saking Indonesia. Namanipun misuwur lumantar pakaryanipun awujud pagelaran wayang kulit lan wayang wong. Warseno kalebet salah satunggalipun dhosèn ing Universitas Tunas Pembangunan Surakarta. Piyambakipun punika rayi kandhungipun Ki Anom Suroto.[1][2][3] Ki Warseno Slank naté nampi bebungah saking Présidhèn Republik Indonesia nalika adicara Festival Greget Dalang Surakarta, taun 1995.

Latar wingking[besut | besut sumber]

Warseno lair ing Kabupatèn Klaten, Jawi Tengah. Awit taksih nèm, piyambakipun sampun ngangsu kawruh babagan pedhalangan. Pyiambakipun miwiti kiprahipun nalika taksih yuswa nembelas taun. Kaprigelanipun ndhalang tumurun lan awit saking panggulawenthahipun tiyang sepuhipun, Ki Harjadarsana ingkang ugi misuwur minangka dhalang wonten tlatah Kabupatèn Klaten Jawa Tengah, taun 1950 dumugi 1975. Kajawi punika, Ki Warseno ugi naté sinau pedhalangan kalih semester wonten Institut Seni Indonesia Surakarta. Wiwitanipun, gagrag pakeliranipun ndhèrèk punapa ingkang kalampahaken déning kang raka, Ki Anom Suroto. Nanging dangu-dangu piyambakipun nemokaken ciri wanci ingkang bènten, langkung rumaket dhumateng para pamirsa mliginipun nèm-nèman. Warseno kadhang kala inggih nggabungaken werni-werni musik ètnis kaliyan musik Kilènan, sarta nglebetaken eksperimen kreatif kanthi nyuguhaken werni-werni musik kados ta rock, punk, rap kairing gamelan. Kasilipun pagelaranipun dipunremeni déning para nèm-nèman ingkang kasebat wayang campursari.[4][5]

Ing kalodhanganipun wekdal, Warseno taksih sagah ngemunah satunggalipun stasiyun Radio Suara Slank ingkang ngandhut adicara mliginipun kabudayan Jawi, mucal èlmu pedhalangan, lan ngawontenaken pagelaran wayang kulit Setu Legèn.[6][7]

Bebungah[besut | besut sumber]

  • Bebungah saking Présidhèn wonten Festival Greget Dalang Surakarta, 1995.

Ugi pirsani[besut | besut sumber]

Rujukan[besut | besut sumber]