Walabi

Saka Wikipédia Jawa, bauwarna mardika basa Jawa

Walabi punika salah setunggaling kéwan ingkang taksih satunggal kulawarga kaliyan kanguru.[1] Walabi kapanggih wonten ing Australia saha ing pulo-pulo ingkang caket Australia.[1] Wonten kathah speciés walabi.[1] Spesies punika dipunklompokaken miturut habitat kados ta semak walabi, walabi kuas, saha walabi watu.[1] Walabi punika kalebet kéwan marsupial atau mamalia ingkang gadhah kanthong.[1] Walabi ingkang nembé lair punika alit sanget saha boten gadhah daya menapa-menapa.[1] Nalika lair, anak walabi lajeng tumuju wonten ing kanthong ibunipun.[1] Wonten ing kanthong punika anak walabi saged dipunjagi saking mengsah.[1] Walabi manggèn wonten ing kanthong ibunipun ngantos pirang-pirang wulan.[1] Walabi ingkang taksih enem katingal katon kados anak kanguru ingkang dipunwastani Joeys.[1] Nalika sampun boten manggén wonten ing kanthong, walabi ugi taksih asring mlumpat tumuju wonten ing kanthong nalika wonten bebaya.[1] Walabi punika dawanipun wonten ingkang ngantos 6 kaki utawi 1,8 mèter.[1] Ukuran punika dipunukur saking sirah ngantos buntut.[1] Walabi gadhah samparan wingking ingkang kuwat.[1] Samparan punika dipun-ginakaken sesarengan nalika mlumpat kanthi jarak ingkang tebih.[1] Nalika walabi rumaos kénging bebaya utawi walabi jaler ingkang nembé tukaran, walabi limrahipun ngginakaken samparan punika kanggé nendhang ingkang kuwat.[1] Nama walabi asalipun saking suku Aborigin Eora wonten ing Sydney.[2] Walabi mangen sumebar wonten ing Australia mliginipun wonten ing tlatah pedalaman ingkang kasusun saking watu-watu.[2] Walabi ugi saged dipunpanggi wonten ing Flinders Ranges Australia Selatan, Taman Nasional Freycinet Tasmania, saha wonten ing Taman Nasional Namadgi saha Kosciuszko ing pagunungan Alpen Australia.[2]

Cathetan suku[besut | besut sumber]

  1. a b c d e f g h i j k l m n o p animals.nationalgeographic.com(dipunundhuh tanggal 7 Oktober 2011)
  2. a b c australia.com(dipunundhuh tanggal 7 Oktober 2011)