Veronica Felicia Kumala

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Veronica Felicia Kumala ya iku salah sijiné pambiwara ing acara Ceriwis kang disiaraké Trans TV sabén dina Sétu lan Ahad jam sanga ésuk.[1] Dhèwèké yèn ana ing omah kerep diundang Felis, nanging yèn lagi ana ing TV utawa lagi giyaran dhèwèké nganggo jeneng Panda.[2] Diundang Panda, amarga jaman SMA dhèwèké duwé awak lemu lan amarga kesuwèn nganggo kacamata kulit sakiwa-tengené mripaté dadi ireng persis kaya panda.[2] Awèt iku Veronica Felicia Kumala luwih kerep diundang Panda nganti saiki.[2] Panda lair tanggal 9 Fèbruari 1983.[1][2] Tahun 2001, sawisé lulus saka SMAK Sang Timur dhèwèké nerusaké kuliyah ing London School of Public Relation.[2] Alesané ngapa kok milih sekolah iku amarga mung ora péngén ketemu karo mata kuliyah kang ana gayutané karo itung-itungan.[2] Asliné Panda uga seneng nari lan kepéngén neruskaké kuliyah ing IKJ nanging ora olih karo wong tuwané kang duwé anggepan masa depan seniman ora jelas.[2] Tanggal 19 Dhésèmber 2009 ing Gréja Sathora Bojong Indah Panda lan Marcel Aditya nikah.[3] Setahun sawisé banjur lair Alika Anabel Tantri, anak wadon siji-sijiné.[4] Saiki Panda wis ora giyaran manèh, saliyané ngrumat anaké kerjaané saben dina ya iku dadi pambiwara ing acara-acara TV.[4]

Penyiar Pambors[besut | besut sumber]

Sadurungé Panda dadi pambicara kang kaloka kaya saiki, dhèwèké miwiti karier saka Penyiar Radio ing Prambors.[1] Akèh wong kang ora percaya Panda bisa betah nglakoni siarané apa ora, jalaran dhèwèké kejatah giyaran saben èsuk jam lima.[2] Nanging Panda bisa mbuktekaké dhèwèké bisa, malah saiki wis akèh program Radio kang digawakaké dhèwèké dadi sukses.[2] Conto program kang tau digawakaké Panda ya iku SIAP, DJ Kamoe, Panda Berkokok lan kang pungkasané Putuss Sama Panda.[1] Kira-kira arep sangang taun Panda dadi penyiar ing Prambors.[1] Penggemaré uga wis akèh ing saben kutha.[1] Nanging pas ing tanggal 11 november 2011 Panda giyaran kang pungkasan.[1] Wiwit iku Panda wis ora giyaran manèh. Dhèwèké luwih kereb ditemoni ing layar TV.[2]

Pambiwara Katakan Cinta[besut | besut sumber]

Pisanan Panda dadi Pambiwara TV ya iku ing acara Katakan Cinta kang digiyaraké RCTI.[5] Program iki ya iku program kanggo cah enom kang arep nyatakake rasa seneng marang wong kang disenengi.[5] Program iki digiyaraké wiwit tanggal 19 Januari 2003 ing RCTI saben dina Ahad jam 16.30 WIB.[5] Rikala semono Katakan Cinta tau kapilih dadi acara reality show paling favorit ing ajang penghargaan Panasonic Award taun 2003 lan nominator reality show paling Favorit Panasonic Awards 2004.[5]

Pambiwara Termehek-mehek[besut | besut sumber]

Bareng karo Mandala Soji, Panda dadi pambiwara ing program Termehek-mehek.[6] Program iki disiaraké déning Trans TV saben dina Setu lan Ahad 18.30 WIB.[6] Program iki tayang ing TV wiwit tanggal 3 Mèi 2008.[6] Termehek-mehek uga pikantuk penghargaan saka Panasonic Awards taun 2009 mawa program reality show favorit dhéwé lan ratinge paling dhuwur.[6] Sasi Juli 2009 posisiné Panda dianggoni déning Prisia Nasution.[6]

Pambiwara Ceriwis[besut | besut sumber]

Bareng kaliyan Indra Bekti, Ruben Onsu, Nigta Gina lan Pam-pam, Panda nggawakake program Ceriwis saben dina Setu lan Ahad jam 9.00 nganti jam 10.00 WIB.[7]

Cathetan suku[besut | besut sumber]

  1. a b c d e f g Cici Panda Menemani Kawula Muda Selama 9 tahun (dipunundhuh tanggal 10 Juni 2012)
  2. a b c d e f g h i j Berkah Nyablak Felicia 'Panda' Kumala (dipunundhuh tanggal 10 Juni 2012)
  3. Pernikahan Cici Panda dan Marcel Aditya (dipunundhuh tanggal 10 Juni 2012)
  4. a b Panda: Lebih Repot Punya Anak daripada Banyak Kerjaan (dipunundhuh tanggal 10 Juni 2012)
  5. a b c d Katakan Cinta dengan Cinta (dipunundhuh tanggal 10 Juni 2012)
  6. a b c d e about termehek-mehek (dipunundhuh tanggal 10 Juni 2012)
  7. Profil Ceriwis (dipunundhuh tanggal 10 Juni 2012)