Velociraptor
| Velociraptor Kalamangsa: Kapur Ahir (Campanium), 75–71 Ma | |
|---|---|
| |
Klasifikasi ngèlmiah 
| |
| Karajan: | Animalia |
| Filum: | Chordata |
| Klad: | Dinosauria |
| Klad: | Saurischia |
| Klad: | Theropoda |
| Famili: | Dromaeosauridae |
| Klad: | Eudromaeosauria |
| Subfamili: | Velociraptorinae |
| Génus: | Velociraptor Osborn, 1924 |
| Spésies tipe | |
| †Velociraptor mongoliensis Osborn, 1924 | |
| Sepésiyes liyane | |
| |
Velociraptor ya iku jinis kéwan dinosaurus sing kalebu kéwan karnivora nalika jamanè ya iku ing Jaman Cretaceous pungkasan.[1] Tembung Velociraptor manawa kapèrang dadi loro ya iku Veloci (rikat) lan Raptor (maling),manawa didefinisikakè bakal duwé teges dinosaurus sing lumayune rikat.[1] Velociraptor diceluki maling amarga kebiasaanè nyolong endhog kéwan liya.[2]
Anatomi
[besut | besut sumber]Velociraptor ya iku kéwan dinosaurus kang ngadeg nganggo sikil loro (bipedal) lan kalebu dinosaurus sing paling rikat.[1] Kéwan karnivora iki duwè sawatara 80 untu mlengkung sing landhep-landhep.[2] Monconge dawa rata,ana untu dhuwuré sing dawanè nganti 2,5 cm.[2] Predator iki gulunè mlengkung, tangan cilikè duwè driji telu sing dijangkepi kanggo cakar sing dawa lan landhep-landhep.[2] Sikilè dawa tur tipis, lan duwé cakar ing saben drijinè.[2] Ukuran endhasè 7 inchi (18 cm).[2] Kemampuan Velociraptor sing paling unggul ya iku ana ing rikat playonè.[2] Velociraptor bisa lumayu ing lapangan kebuka kanthi 40 mph (60 km/jam) cepetè ing wektu singkat.[2] Kéwan iki dawa awakè sawatara 5 nganti 6 kaki (1,5–2 m), lan dhuwur kira-kira 3 kaki (1 m).[2] Diprakiraakè boboté 15 nganti 33 pon (7 nganti 15 kg).[2] Buntut kaku Velociraptor duwé fungsi kanggo panyeimbang lan kanggo pranti manawa arep ganti arah nalika lumayu.[2] Velociraptor duwé cakar sing mirib clurit dawanè 3,5 inchi (9 cm) ana ing driji tengahè sing bisa ditarik lumebu.[2] Cakar iki minangka senjata utama.[2] Fungsinè kanggo mburu mangsanè (kéwan sing mangan tetuwuhan kaya ta Hadrosaurus) kanthi gampang.[2] Otakè Velociraptor iku rèlatif rada gedhé tinimbang ukuran awakè(iku mung kanggo gènus dinosaurus Dromaèsauroid, dinosaurus sing paling cerdas).[2]
Penemuan Fosil
[besut | besut sumber]Fosil Velociraptor sepisanan tinemu déning ahli paleontologi H.F. Osborn ing Mongolia nalika taun 1924.[3] Sawetara lusinan fosil tinemu sing salah siji antaranè tinemu mati bareng mangsanè.[3] Fosil Velociraptor bisa tinemu ing Mongolia, Ruslan, lan China.[3]
Masa Uripè
[besut | besut sumber]Miturut para ahli, Velociraptor urip nalika jaman Crètacèous akir,sawatara 85 – 80 yuta taun kapengker[2]. Dinosaurus sing urip bareng sejamanè Velociraptor ya iku Protocèratop, Gallimimus ,Oviraptor, Edmontosaurus, Maiasaura, lan Saurolophus.[2]
Lingkungan Uripè
[besut | besut sumber]Velociraptor urip ing lingkungan sing cenderung garing nanging cedhak karo banyu, umpamanè kaya ing ara-ara sing ana sumber banyune[2].
Perilaku
[besut | besut sumber]Nalika taun 1971, fosilè Velociraptor lan Protoceratops tinemu bareng.[4] Loro-loronè diindikasi mati bareng.[4] Posisinè, Velociraptor lagi nyerang Protoceratops nganggo cakarè lan endhas lapis bajanè Protoceratops jebulè nembus dhadhanè Velociraptor.[4] Velociraptor, bareng karo Dromaèosauroid liyanè,ya iku dinosaurus sing paling cerdhas,diitung saka ukuran volume otakè dibandingakè karo bobot awakè.[4] Bab iki sing gawè Velociraptor karan salah sijining prèdator sing paling medèni.[4] Velociraptor seneng mburu ing kawanan,malah bisa uga mburu kéwan sing ukuran awakè luwih gedhé saka dhèwèkè.[4]
Kapinteran
[besut | besut sumber]Velociraptor iku dinosaurus jinis Dromaeosauroid, tegesè kepinteranè (manawa diukur saka perbandingan polo karo awakè) dianggep paling dhuwur tiimbang dinosaurus jinis liyanè.[2]
Cara Mangan
[besut | besut sumber]Velociraptor iku karnivora (kéwan sing mangan daging).[5] Manawa uga mangan apa waè sing bisa dipangan.[5] Velociraptor iku kéwan sing seneng ngelompok nalika mburu mangsanè.[5] Mangsa utamanè ya iku Protoceratops lan kéwan hèrbivor liyanè kaya ta Hadrosaurus (dinosaurus lambe bèbèk).[5]
Cara Gerakè
[besut | besut sumber]Velociraptor ngadeg nganggo sikil loro sing dawa,sing nggawè Velociraptor bisa lumayu kanthi rikat. Diprakiraakè Velociraptor bisa lumayu nganti 40 mph (60 km/jam) cepetè.[2] Velociraptor uga kéwan sing mlumpatè dhuwur.[2]
Cathetan suku
[besut | besut sumber]- ↑ a b c www.mce.k12tn.net[pranala mati permanèn](dipunundhuh tanggal 26 Mèi 2011)
- ↑ a b c d e f g h i j k l m n o p q r s t u www.enchantedlearning.com(dipunundhuh tanggal 26 Mèi 2011)
- ↑ a b c www.kidsdinos.com(dipunundhuh tanggal 26 mei 2011)
- ↑ a b c d e f dinosaurs.about.com[pranala mati permanèn](dipunundhuh tanggal 26 Mèi 2011)
- ↑ a b c d www.kidsdinos.com (dipunundhuh tanggal 26 Mèi 2011)