Velociraptor

Saka Wikipédia Jawa, bauwarna bébas abasa Jawa
Velociraptor
Kalamangsa: Late Cretaceous
Velociraptor mount.jpg
Klasifikasi ngèlmiah
Karajan: Animalia
Filum: Chordata
Klas: Sauropsida
Superordho: Dinosauria
Ordho: Saurischia
Subordho: Theropoda
Famili: Dromaeosauridae
Génus: Velociraptor
Osborn, 1924
Species

V. mongoliensis Osborn, 1924

Velociraptor ya iku jinis kéwan dinosaurus sing kalebu kéwan karnivora nalika jamanè ya iku ing Jaman Cretaceous pungkasan.[1] Tembung Velociraptor manawa kapèrang dadi loro ya iku Veloci (rikat) lan Raptor (maling),manawa didefinisikakè bakal duwé teges dinosaurus sing mlayune rikat.[1] Velociraptor diceluki maling amarga kebiasaanè nyolong endhog kéwan liya.[2]

Anatomi[besut | besut sumber]

Velociraptor ya iku kéwan dinosaurus kang ngadeg nganggo sikil loro (bipedal) lan kalebu dinosaurus sing paling rikat.[1] Kéwan karnivora iki duwè sawetara 80 untu mlengkung sing landhep-landhep.[2] Monconge dawa rata,ana untu dhuwuré sing dawanè nganti 2,5 cm.[2] Predator iki gulunè mlengkung, tangan cilikè duwè driji telu sing dijangkepi kanggo cakar sing dawa lan landhep-landhep.[2] Sikilè dawa tur tipis, lan duwé cakar ing saben drijinè.[2] Ukuran endhasè 7 inchi (18 cm).[2] Kemampuan Velociraptor sing paling unggul ya iku ana ing rikat playonè.[2] Velociraptor bisa mlayu ing lapangan kebuka kanthi 40 mph (60 km/jam) cepetè ing wektu singkat.[2] Kéwan iki dawa awakè sawetara 5 nganti 6 kaki (1,5–2 m), lan dhuwur kira-kira 3 kaki (1 m).[2] Diprakiraakè bobote 15 nganti 33 pon (7 nganti 15 kg).[2] Buntut kaku Velociraptor duwé fungsi kanggo panyeimbang lan kanggo pranti manawa arep ganti arah nalika mlayu.[2] Velociraptor duwé cakar sing mirib clurit dawanè 3,5 inchi (9 cm) ana ing driji tengahè sing bisa ditarik mlebu.[2] Cakar iki minangka senjata utama.[2] Fungsinè kanggo mburu mangsanè (kéwan sing mangan tetuwuhan kaya ta Hadrosaurus) kanthi gampang.[2] Otakè Velociraptor iku rèlatif rada gedhé tinimbang ukuran awakè(iku mung kanggo gènus dinosaurus Dromaèsauroid, dinosaurus sing paling cerdas).[2]

Penemuan Fosil[besut | besut sumber]

Fosil Velociraptor sepisanan tinemu déning ahli paleontologi H.F. Osborn ing Mongolia nalika taun 1924.[3] Sawetara lusinan fosil tinemu sing salah siji antaranè tinemu mati bareng mangsanè.[3] Fosil Velociraptor bisa tinemu ing Mongolia, Rusia, lan China.[3]

Masa Uripè[besut | besut sumber]

Miturut para ahli,Velociraptor urip nalika jaman Crètacèous akir,sawetara 85 – 80 yuta taun kapengker[2]. Dinosaurus sing urip bareng sejamanè Velociraptor ya iku Protocèratop, Gallimimus ,Oviraptor, Edmontosaurus, Maiasaura, lan Saurolophus.[2]

Lingkungan Uripè[besut | besut sumber]

Velociraptor urip ing lingkungan sing cenderung garing nanging cedhak karo banyu, umpamanè kaya ing ara-ara sing ana sumber banyune[2].

Perilaku[besut | besut sumber]

Nalika taun 1971, fosilè Velociraptor lan Protocèratop tinemu bareng.[4] Loro-loronè diindikasi mati bareng.[4] Posisinè,Velociraptor lagi nyerang Protocèratop nganggo cakarè lan endhas lapis bajanè Protocèratops jebulè nembus dhadhanè Velociraptor.[4] Velociraptor,bareng karo Dromaèosauroid liyanè,ya iku dinosaurus sing paling cerdhas,diitung saka ukuran volume otakè dibandingakè karo bobot awakè.[4] Bab iki sing gawè Velociraptor disebut salah sijining prèdator sing paling medèni.[4] Velociraptor seneng mburu ing kawanan,malah bisa uga mburu kéwan sing ukuran awakè luwih gedhé saka dhèwèkè.[4]

Kapinteran[besut | besut sumber]

Velociraptor iku dinosaurus jinis Dromaeosauroid, tegesè kepinteranè (manawa diukur saka perbandingan polo karo awakè) dianggep paling dhuwur tiimbang dinosaurus jinis liyanè.[2]

Cara Mangan[besut | besut sumber]

Velociraptor iku karnivora (kéwan sing mangan daging).[5] Manawa uga mangan apa waè sing bisa dipangan.[5] Velociraptor iku kéwan sing seneng ngelompok nalika mburu mangsanè.[5] Mangsa utamanè ya iku Protocèratops lan kéwan herbivora liyanè kaya ta Hadrosaurus (dinosaurus lambe bebek).[5]

Cara Gerakè[besut | besut sumber]

Velociraptor ngadeg nganggo sikil loro sing dawa,sing nggawè Velociraptor bisa mlayu kanthi rikat. Diprakiraakè Velociraptor bisa mlayu nganti 40 mph (60 km/jam) cepetè.[2] Velociraptor uga kéwan sing mlumpatè dhuwur.[2]

Cathetan suku[besut | besut sumber]

  1. ^ a b c www.mce.k12tn.net(dipunundhuh tanggal 26 Mèi 2011)
  2. ^ a b c d e f g h i j k l m n o p q r s t u www.enchantedlearning.com(dipunundhuh tanggal 26 Mèi 2011)
  3. ^ a b c www.kidsdinos.com(dipunundhuh tanggal 26 mei 2011)
  4. ^ a b c d e f dinosaurs.about.com(dipunundhuh tanggal 26 Mèi 2011)
  5. ^ a b c d www.kidsdinos.com (dipunundhuh tanggal 26 Mèi 2011)