Tony Taulo
| Willem Alexander Tony Taulo | |
|---|---|
 |
Willem Alexander Tony Taulo utawi Tony Taulo inggih punika salah satunggalipun paraga filem lan sinétron saking Indonésia. Namanipun misuwur sasampunipun menang wonten adon-adon Festival Keaktoran ingkang dipunanggegana déning stasiyun televisi nasional, taun 1995. Tony langkung kathah kiprah ing filem-filem utawi sinétron komidi. Salah satunggalipun filem ingkang piyambakipun minangka paraga inggih punika Cinta Dalam Kardus, ingkang dipunsutradarani Raditya Dika (2012).[1]
Riwayat
[besut | besut sumber]Tony Taulo miyos saking kulawargi Timor Timur (saniki Timor Leste), putra kaping sekawan saking nem sadhèrèk. Ramanipun, Doris Alexander Aminadab Taulo, SH (alm), inggih punika manten Katua Pengadilan Negeri Jakarta Selatan, lan ingkang pungkasan dipundhapuk dados Katua Pengadilan Tinggi Kupang, Nusa Tenggara Timur. Wondéné Letnan Jenderal Kiki Syahnakri inggih punika pamanipun. Saderengipun mlebet ing kancah perfileman, Tony Taulo nyambut damel ing satunggalipun hotel ing Kabupatèn Cilacap. Piyambakipun gadhah jejibahan wonten minangka asisten manajer ing pérangan house keeping. Boten namung kagunan paraga, piyambakipun ugi sinau bab musik. Sawijining dinten, Tony Taulo mireng babagan badhé dipunwontenaken adon-adon Festival Keaktoran ing Jakarta. Lajeng piyambakipun ndhaptar minangka salah satunggalipun panyarta. Boten dipunnyana, piyambakipun menang lan nampi bebungah minangka juwara setunggal. Awit saking mriku, namanipun wiwit dipunmangertosi déning para prodhuser lan griya prodhuksi lan dipundhapuk ing sapérang sinétron lan filem. Sinètron kapisan ingkang dipunparagakaken inggih punika Kulawarga Cemara ingkang dipunsutradarani Arswendo Atmowiloto (1996). Salajengipun, piyambakipun ugi dipundhapuk minangka juru paraga sesarengan kaliyan Novia Kolopaking, Sandy Nayoan, lan sanès-saneipun.[2]
Nanging salajengipun, Tony Taulo langkung kathah minangka juru paraga ing filem tivi lan filem layar jembar. Sesarengan Raditya Dika piyambakipun dipunpilih kanggé main filem mragakaken minangka manajer kafe. Wonten ing sitkom (sinètron komidi) Satu Kakak Tujuh Keponakan (1998) ingkang dipunanggegana déning RCTI, Tony ugi nglampahi sesarengan kaliyan Arswendo.[3][4]
Paraga sawenèh filem lan sinètron
[besut | besut sumber]- Tersanjung
- Kulawarga Cemara
- Satu kakak tujuh keponakan
- Delisa
- Cinta dalam kardus
Ugi pirsani
[besut | besut sumber]Rujukan
[besut | besut sumber]- ↑ Kapanlagi: Kapan Lagi, dijupuk 16 Feb 2015
- ↑ "Ceritamu, dijupuk 16 Feb 2015". Diarsip saka sing asli ing 23 September 2015. Dibukak ing 30 April 2017.
- ↑ Indonesia Film Center, dijupuk 16 Feb 2015
- ↑ "Satu Timor, dijupuk 16 Feb 2015". Diarsip saka sing asli ing 16 February 2015. Dibukak ing 30 April 2017.
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |