Télévisi dhigital

Saka Wikipédia Jawa, bauwarna bébas abasa Jawa
(Dilih saka Tipi digital)
Tipi digital.jpg

Télévisi digital utawa DTV ya iku jinis télévisi kang nggunakaké modhulasi digital lan sistem komprési kanggo nyiaraké sinyal gambar, swara, lan data marang pesawat télévisi. Télévisi digital arupa piranti kang kanggo nyekel giyaran TV digital, perkembangan saka sistem giyaran analog marang digital kang ngubah informasi dadi sinyal digital bentuké bit data kaya ta komputer.[1].

Pemicu perkembangan[besut | besut sumber]

Pendorong ngrembakané télévisi digital kaya ta:

  • Owah-owahan lingkungan eksternal
    • Pasar télévisi analog kang wis jenuh
    • Kompetisi kanthi sistem penyiaran satelit lan kabel
  • Perkembangan teknologi
    • Teknologi pemrosesan sinyal digital
    • Teknologi transmisi digital
    • Teknologi semikonduktor
    • Teknologi peralatan kanthi solusi dhuwur

Frekuensi TV digital[besut | besut sumber]

Sacara teknis, pita spektrum frekuensi radhio kang kanggo télévisi analog bisa kanggo penyiaran télévisi digital. Perbandingan amba pita frekuensi kang digunakaké tèknologi analog kanthi tèknologi digital ya iku 1:6. Dadi, yèn tèknologi analog merlokaké amba pita 8 MHz kanggo sak kanal transmisi, tèknologi digital kanthi amba pita kang padha (nggunakaké tèhnik multipleks) bisa mancaraké akéhé 6 nganti 8 kanal transmisi sisan kanggo program kang béda.

Télévisi digital ditunjang déning tèknologi panampa kang bisa adhaptasi jumbuh karo lingkungané. Sinyal digital bisa kacekel saka jumlah pemancar kang minangka jaringan kanthi frekuensi padha saéngga daerah cakupan TV digital bisa diambakaké. Télévisi digital duwé peralatan swara lan gambar kanthi format digital kaya ta kang digunakaké kamera video.

Sistem pemancar TV digital[besut | besut sumber]

Ana 3 baku sistem pemancar télévisi digital ing dunya, ya iku télévisi digital (DTV) ing Amérika, penyiaran video digital terestrial (DVB-T) ing Éropah, lan layanan penyiaran digital terestrial terintegrasi (ISDB-T) ing Jepang. Kabèh baku sistem pemancar sistem digital kanthi basis sistem pengkodean OFDM kanthi kodhe swara MPEG-2 kanggo ISDB-T lan DTV sarta MPEG-1 kanggo DVB-T.

Tinimbang karo DTV lan DVB-T, ISDB-T fleksibel banget lan duwé keluwihan mligi ing panampa sistem sèlulèr. ISDB-T kasusun saka ISDB-S kanggo transmisi lumantar kabel lan ISDB-S kanggo tranmisi lumantar satelit. ISDB-T bisa diaplikasèkaké ing sistem kanthi ambané pita 6,7 MHz lan 8 MHz. Fleksibilitas ISDB-T bisa dideleng saka mode kang dienggo, ing ngendi mode pisanan kanggo aplikasi sèlulèr télévisi kanthi definisi baku (SDTV), mode kapindho minangka aplikasi panampa sèlulèr lan SDTV utawa télévisi kanthi définisi duwur (HDTV) beraplikasi tetap, sarta mode ketelu kang mirunggan kanggo HDTV utawa SDTV kanthi sistem panampa tetap. Sekabehané data modhulasi sistem pemancar ISDB-T bisa diatur kanggo QPSK lan 16QAM utawa 64QAM. Owah-owahan mode iki bisa diatur lumantar apa kang ingaran kontrol konfigurasi transmisi lan multipleks (TMCC).

Frèkuènsi sistem penyiaran télévisi digital bisa ditampa gunakaké anténa kang ingaran télévisi terestrial digital (DTT), kabel (TV kabel digital), lan piringan satelit. Piranti sarupa telepon sèlulèr digunakaké mligi kanggo nampa frekuensi télévisi digital berformat DMB lan DVB-H. Siaran télévisi digital uga bisa ditampa nggunakaké internet kanthi kecepetan duwur kang misuwur minangka télévisi protokol internet (IPTV).[2]

Karakteristik sistem penyiaran TV digital terestrial[besut | besut sumber]

Sistem penyiaran télévisi digital kang ana ing Indonésia kapérang andhedhasar kualitas penyiaran, piguna, lan keunggulan TV Digital kasebut. Télévisi Digital sajeroning perkembangané duwé karakteristik kang béda ing saben aréa penyiaran.

Kualitas penyiaran TV digital[besut | besut sumber]

Télévisi Digital duwé asil giyaran kanthi kualitas gambar lan warna kang luwih apik saka kang diasilake télévisi analog. Sistem télévisi digital ngasilaké pengiriman gambar kang bening lan stabil sanajan piranti panampa giyaran ana ing jero kondisi obah kanthi kecepetan dhuwur. Télévisi Digital duwé kualitas giyaran kanthi akurasi lan resolusi duwur. Teknologi digital merlokaké kanal giyaran kanthi laju duwur banget nyandak Mbps kanggo pengiriman informasi kanthi kualitas dhuwur.

Uga delengen[besut | besut sumber]

Cathetn sikil[besut | besut sumber]

  1. ^ menanti-set-top-box-gratisan-untuk-tv-digital, (Kaunduh 15/2/13)
  2. ^ tentang-tv-digital, (Kaunduh 15/2/13).