Tahok

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Tahok
Kembang Tahu.jpg
Tahok ing mangkok
AjanganMangan utama
Panggonan asalIndonésia
Tlatah utawa prajaSurakarta, Jawa Tengah
Hawa ajanganAnget
Woworan pokokKedhelé, Jaé, Gula
Buku masakan: Tahok  Médhia: Tahok

Tahok yaiku jajanan saka kutha Surakarta sing praupané mèmper bubur sumsum. Tahok iki digawé saka duduh kedhélé lan diwènèhi duduh jaé. Panganan iki wiwitané digawa wong dodol saka tyonghwa banjur bebrayan ing kutha Surakarta.[1] Saka jenengé, panganan iki asalé saka tembung "Tahoa" sing kadapuk saka 2 tembung yaiku Tao utawa teu tegesé kacang kedhélé banjur hoa utawa hu tegese dhéplok. Dadi Tahoa yaiku kacang kedhélé sing didhéplok.[2] Wujudé tahok nalika ing dandang mempèr kaya tahu amarga padha-padha saka kedhélé. Ananging tahok iki luwih alus ing cangkem. Alusé memper pudhing sutra. Tahok duwé khasiyat ngangetaké awak. Duduh tahok iki digawé saka gula jawa, jaé, pandhan lan seré. Pramila duduh iki rasané anget nalika ana gurung. Bakul tahok bisa ditemoni ing pinggir dalan utamané ing pasar gedhé. Bakulé racaké nganggo grobak utawa dipikul. ananging ana titikan sing mligi yaiku nganggo topi Laken (topi koboi) nalika ider. Bakul tahok racaké isih nganggo piranti giling kedhélé tradhisional.[3]

Deleng uga[besut | besut sumber]

Kembang tahu

Praupané tahok

Cathetan suku[besut | besut sumber]

  1. "Tahok, Makanan Legendaris Khas Tionghoa dari Solo Kaya Akan Manfaat". kumparan (ing basa Indonesia). Dibukak ing 2020-03-28.
  2. Kompasiana.com. "Tahok, Tahu Lembut Kuah Jahe". KOMPASIANA (ing basa Indonesia). Dibukak ing 2020-03-28.
  3. "Tahok, Puding Sehat Sarat Manfaat". www.kratonpedia.com. Dibukak ing 2020-03-28.
Bakul tahok kanthi dipikul