Témbok Raseksa Cina

Saka Wikipédia Jawa, bauwarna mardika basa Jawa
Tembok Raksasa Cina
Peta Jalur Tembok Raksasa Cina
Tetélan pokok
JinisFortification
Nagara Cina
Diyasa kawitAbad 5 SM
Dimensions
Other dimensions
  • Actual wall: 6,259.6 km (3,889.5 mi)
  • Trenches: 359.7 km (223.5 mi)
  • Natural barriers: 2,232.5 km (1,387.2 mi)
Technical details
Size8,851.8 km (5,500.3 mi)
Jeneng resmiThe Great Wall
JinisCultural
Wewatoni, ii, iii, iv, vi
Kadhapuk1987 (11th session)
Angka438
State Party Cina
RegionAsia-Pacific
Pitu Kaajaiban Donya Kuna
Piramida Agung Giza
Taman Gantung Babilonia
Patung Zeus ing Olympia
Kuil Artemis
Mausoleum Mausolus
Colossus Rodos
Mercusuar Iskandariyah

Témbok Raseksa Cina utawa Témbok Besar Tiongkok (Hanzi tradhisional: 長城; Hanzi prasaja: 长城; pinyin: Chángchéng), uga dikenal ing Tiongkok kanthi jeneng Tembok Raseksa 10.000 Li¹ (萬里長城; 万里长城; Wànlĭ Chángchéng) wujud yasan paling dawa sing naté digawé manungsa, dumunung ing Républik Rakyat Cina. Dawané ana 6.400 kilomèter (saka kawasan Sanhai Pass ing sisih wétan nganti Lop Nur ing sisih kuloan) lan dhuwuré 8 mèter kanthi angkah kanggo nyegah serbuan bangsa Mongol saka lor ing jaman semana. Amba pérangan dhuwuré 5 m, d'ené pérangan ngisor 8 m. Saben 180–270 m digawé menara pengintai. Dhuwur menara pengintai mau 11–12 m.

Kanggo gawé témbok raseksa iki, mbutuhaké wektu atusan taun. Wiwitané dikira Qin Shi-huang sing miwiti pembangunan témbok iku, nanging miturut panelitèn lan cathetan literatur sajarah, témbok iku wis digawé sadurungé Dinasti Qin madeg, persisé dibangun pisanan ing Zaman Nagara-nagara Berperang. Kaisar Qin Shi-huang nerusaké pembangunan lan ngukuhaké témbok sing wisdibangun sadurungé.

Sapungkuré Qin Shi-huang, pembangunan témbok iki mandheg lan lagi diwiwiti manèh ing jaman Dinasti Sui, pungkasan diterusaké ing jaman Dinasti Ming. Wangun Témbok Raseksa sing saiki ya iku asil pembangunan saka jaman Ming mau. Pérangan jero témbok isi lemah sing campur bata lan watu. Pérangan dhuwuré digawé dalan utama kanggo wadyabala nunggang jaran.

Témbok Raseksa Tiongkok dianggep salah siji saka Pitu Kaajaiban Donya. Ing taun 1987, yasan iki dilebokaké sajeroning pratélanSitus warisan donya UNESCO.


Cathetan[besut | besut sumber]

¹ 10.000 li = 5.760 km. Sajeroning basa Mandarin, gunggung 10.000 racaké kanthi figuratif dianggep "ora winates", saéngga angka mau sabeneré ngandhut makna "témbok sing dawané ora winates".

Pranala njaba[besut | besut sumber]