Sutardji Calzoum Bachri

Sutardji Calzoum Bachri (lair 1941 ing Riau), punika pujangga Indonésia pinunjul. Saksampunipun lulus saking SMA Sutardji Calzoum Bachri nglajengaken studi dhateng Fakultas Sosial Pulitik Jurusan Administrasi Nagara, Universitas Padjadjaran, Bandung. Wiwitanipun Sutardji Calzoum Bachri nyerat wonten ing koran lan kalawarti minggon ing Bandung, lajeng sajak-sajakipun dipunamot wonten kalawarti Horison lan Budaya Jaya sarta ruang kabudayan Sinar Harapan lan Berita Buana.

Langkung sajak-sajakipun punika Sutardji nedahaken manawi piyambakipun minangka pembaharu puisi Indonésia. Utaminipun amargi konsepsi bab tembung ingkang badhé dipunbebasaken saking kungkungan pengertian lan dipunwangsulaken dhumateng fungsi tembung sepertos wonten ing "mantra".

Wonten ing mangsa panas 1974, Sutardji Calzoum Bachri ndhèrèk acara Poetry Reading International ing Rotterdam. Salajengipun ndhèrèk seminar International Writing Program ing Iowa City, Amérika Sarékat wilan Oktober 1974 ngantos April 1975. Sutardji ugi nepangaken cara énggal ingkang unik lan méncutaken ing salebetipun acara maos puisi ing Indonésia.

Karya

Sawetawis sajakipun sampun dipunterjemahaken déning Harry Aveling dhateng basa Inggris lan dipunterbitaken minangka antologi Arjuna in Meditation (Calcutta, India), Writing from the World (Amérika Sarékat), Westerly Review (Australia) lan wonten ing kalih antologi abasa Walanda: Dichters in Rotterdam (Rotterdamse Kunststichting, 1975) lan Ik wil nog duizend jaar leven, negen moderne Indonesische dichters (1979). Taun 1979, Sutardji dipunanugerahi bebungah South East Asia Writer Awards tumrap prestasinipun wonten ing donya sastra, ing Bangkok, Thailand. O Amuk Kapak punika penerbitan ingkang komplit sajak-sajak Calzoum Bachri wiwit periode penulisan 1966 ngantos 1979.

Ugi pirsani

• wiki id: Sutardji Calzoum Bachri
• * ==Pranala njawi==
• Sutardji Calzoum Bachri
• Soetardji Calzoum (Sinar Harapan) Archived 2007-10-31 at the Wayback Machine.
• Penyair harus setia pada kata dan estetika