Suku Doria

Saka Wikipédia Jawa, bauwarna bébas abasa Jawa
Patung hoplite saking abad kping 5 SM, saged ugi patung Leonidas, raja Sparta ingkang dados tiyang Doria.

Suku Doria (basa Yunani: Δωριεῖς, Dōrieis, tunggal Δωριεύς, Dōrieus) inggih punika satunggal saking sekawan suku bangsa utami ingkang dados leluhur ing bangsa Yunani kuno.[1] Wonten ing mitologi Yunani, leluhur saking Suku Doria inggih punika Doros, putra saking Hellen.

Nama Doria punika kaginakaken déning Homeros wonten ing karyanipun, Odisseia,[2] ugi dipunsebataken bilih suku kasebut mapan wonten ing Pulo Kreta. Dene Herodotos nyebat suku Doria punika kanthi nama ethnos[3] ingkang dados wiwitaning tembung etnis. Suku Doria punika tiyang ingkang kalebet wonten ing suku bangsa Hellenes. Suku Doria kagungan manéka cara gesang lan organisasi sosial. Pagesangan Suku Doria gadhah variasi wiwit saking pusat perdagangan ingkang wonten ing kutha Korinthos, ingkang kawéntar saking seni lan arsitekturipun dumugi nagara militer ingkang katutup kados Lakedaimon utawi Sparta.

Suku Doria lajeng dipunpérang-pérang malih dados kelompok ètnis ingkang kapisah lan kadang kala sami mungsuhan. Padatanipun nama kelompok ètnisipun asalipun saking papan suku kasebat. Wonten ing perang, satunggaling nagara Doria asring nyuwun pambiyantu dhateng nagara Doria sanèsipun. Suku Doria punika ngginakaken dialek piyambak ingkang dipunwastani dialèk Yunani Doria. Kejawi punika ciri sosial lan tradisi sejarah Suku Doria ugi béda saking suku Yunani sanèsipun. Nalika abad kaping 5 SM, Suku Doria lan Suku Ionia punika kalebet kalih kelompok ètnis ingkang paling gadhah pengaruh. Masalah antawisipun suku kalih punika ndadosaken Perang Peloponnesos.

Wonten kathah versi ingkang ngandharaken babagan asal-usul Suku Doria. Setunggal teori ingkag dipunpitadosi nalika masa kuno ananging déréng nate kabukti inggih punika bilih Suku Doria kasebut asalipun saking dhaérah paredèn ing timur laut Yunani, Makedonia kuno, lan Epiros. Lajeng nglampahi dhateng Peloponnesos, tumuju Pulo-pulo Aigea tartamtu, Yunani Besar, Lapithos lan Kreta. Teori babagan Suku Doria sanèsipun ngandharaken bilih Suku Doria punika saking Asia Alit lajeng migrasi kanthi liwat Yunani timur laut sarta mapan wonten ing Yunani kidul utawi migrasi saking pesisir kilen Asia Alit lan pindhah dhateng pulo-pulo Aigea sarta tumuju Yunani kidul.

Cathetan suku[besut | besut sumber]

  1. ^ Apollodoros, Bibliotheka I
  2. ^ Homeros, Odysseia, Buku XIX baris 177.
  3. ^ Herodotos, Buku VII, bagian 73.

Pranala njawi[besut | besut sumber]

  • The Dorians, University of Minnesota Ancient Greek Civilizations site
  • Myres, John Linton (1910-19-11). "Dorians". The Encyclopedia Britannica: a Dictionary of Arts, Sciences, Literature and General Information 8 (11 ed.). Cambridge, England and New York (printed): Cambridge University Press, Online Encyclopedia. pp. Pages 425–428. Retrieved 2008-01-04.  Check date values in: |date= (help) Note that the online edition omits the critical bibliography, which features works only in German, and includes Müller but not Kretschmer. Also the online version runs paragraphs and section headings together. The paragraph division is not the one of the article.
  • S.W.J. Lamberts, The ethnicity of the sea peoples
  • George Hinge, Scythian and Spartan Analogies in Herodotos’ Representation
  • "Makedonia". Pan-Macedonian Network. Pan-Macedonian Association. Retrieved 29-12-2007.  Check date values in: |access-date= (help)
Sumber artikel punika saking kaca situs web: "https://jv.wikipedia.org/w/index.php?title=Suku_Doria&oldid=999725"